អង់គ្លេស៖ លោកគ្រូបង្វឹក Thomas Tuchel បាននិយាយថា ខ្សែបម្រើ Hakim Ziyech ត្រូវតែរៀនអត់ធ្មត់រង់ចាំពេលវេលាដែលគេអាចចូលលេងទៀងទាត់វិញបានបន្ទាប់ពីកីឡាកររូបនេះបាត់បង់តំណែងក្នុងជម្រើស១១នាក់ដំបូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Ziyech ដែលផ្ទេរពី Ajax មកកាន់ទឹកដី Stamford Bridge កាលពីឆ្នាំ២០២០ រាងធ្លាក់ទម្រង់លេងជាងមុនដោយសារតែគេបានរងរបួសស្មាកាលពីខែសីហាកន្លងទៅជាហេតុធ្វើឲ្យ កីឡាករវ័យ២៨ឆ្នាំរូបនេះបានជាប់ជម្រើស១១នាក់ដំបូងតែ១ប្រកួតគត់នៅរដូវកាលថ្មីនេះ ដូច្នេះទើបលោក Tuchel ថាគេត្រូវតែប្រឹងប្រែងនិងអត់ធ្មត់។
លោកគ្រូបង្វឹកសញ្ជាតិអាល្លឺម៉ង់រូបនេះបានថ្លែងពាក់ព័ន្ធនឹងស្ថានភាពរបស់ Ziyech ថា៖
ជាដំបូង គឺគេបានចូលលេងក្នុងក្រុមនៅដើមរដូវកាលនេះព្រោះតែគេលេងបានល្អ។ គេក៏លេងបានល្អដែរក្នុងការប្រកួតមុនបើករដូវកាល ដោយគេអាចស៊ុតបញ្ចូលទីបានបន្ទាប់មកគេក៏បានរងរបួសក្នុងការប្រកួត Super Cup ។ តាំងពីនោះមក ខ្ញុំមានអារម្មណ៍ថាវាធ្វើឲ្យគេក្លាយជាបែបនេះមកទល់សព្វថ្ងៃ ខ្ញុំមិនមានអារម្មណ៍ថាគេបានជាសះស្បើយត្រង់ស្មារបស់គេ១០០ភាគរយនោះទេ។ នៅពេលពួកយើងដាក់ឲ្យគេលេងលើសពី៩០នាទីគឺ ពួកយើងក៏ធ្លាប់បានដាក់ឲ្យជាប់ជម្រើស១១នាក់ដំបូងក្នុងការប្រកួត Champions League ដែរ។ ខ្ញុំមានអារម្មណ៍ថាទោះគេគ្មានការឈឺចាប់ក៏ មើលទៅរាងកាយរបស់គេមានកម្រិត ជាពិសេសគឺល្បឿននិងការផ្លាស់ទី។គេត្រូវការពេលវេលានិងភាពអត់ធ្មត់ដើម្បីអាចដណ្ដើមជម្រើស១១នាក់ដំបូងក្នុងក្រុមមកវិញ។
ប្រភព៖ metro
Bong I.T