អង់គ្លេស៖ អតីតកីឡាកររបស់ Arsenal គឺលោក Ray Parlour ជឿថាបើសិនលោក Ole Gunnar Solskjaer អាចដឹកនាំក្រុមបិសាចក្រហម Manchester United ឲ្យយកឈ្នះ Liverpool នៅថ្ងៃអាទិត្យទី២៤ខែតុលានេះបាន នោះកៅអីជាគ្រូបង្វឹករបស់លោកនឹងលែងក្ដៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកក៏បានគិតដែរថា អ្នកគាំទ្ររបស់បិសាចក្រហមគួរតែសប្បាយចិត្តបើសិនក្រុមលោកអាចលេងស្មើ Liverpool ស្របពេលមានមតិជាច្រើនបានរិះគន់លោក Solskjaer លើទម្រង់លេងរបស់លោក។
លោក Parlour បានថ្លែងប្រាប់ TalkSPORT ថា៖
នេះជាការប្រកួតដ៏ធំមួយនៅថ្ងៃចុងសប្តាហ៍។បើសិនពួកគេអាចឈ្នះ Liverpool បាននោះគ្រប់យ៉ាងនឹងផ្លាស់ប្ដូរ គ្រប់គ្នានឹងប្ដូរមកនៅខាង Ole វិញ។ បើសិនពួកគេអាចលត់ Liverpool ទក់សាច់ ខណៈដែលក្រុមនេះកំពុងស៊ុតបញ្ចូលទីបានច្រើនៗគ្រាប់ អ្នកគាំទ្របិសាចក្រហមមានរឿងអីមិនសប្បាយចិត្ត? ដូច្នេះបើសិនអ្នកជាអ្នកគាំទ្ររបស់ United ខ្ញុំគិតថាអ្នកនឹងលេងបានស្មើក៏ល្អ ព្រោះ Liverpool កំពុងមានទម្រង់លេងល្អខ្លាំងណាស់។
គួរបញ្ជាក់ផងដែរថាពេលនេះ Manchester United កំពុងឈរនៅលេខរៀងទី៦ដោយមានតែ១៤ពិន្ទុក្នុងដៃ ចាញ់ក្រុមកំពូលតារាង Chelsea ដល់ទៅ៥ពិន្ទុឯណោះ៕
ប្រភព៖ sportskeeda
Bong I.T