លោក McManaman ណែនាំឲ្យ R.Madrid ទិញយករនាំងការពារឆ្នើមនៅ PL រូបនេះ ទៅពង្រឹងជើងក្រោម

បរទេស៖ អតីតវីរបុរសក្រុមហង្សក្រហម Liverpool លោក Steve McManaman បានជំរុញឱ្យក្លិបអធិរាជស Real Madrid ចុះហត្ថលេខាយកខ្សែការពារ Antonio Rudiger របស់ Chelsea ។

Rudiger បច្ចុប្បន្នមានតម្លៃខ្លួន ៣១.៥លានផោននៅលើ Transfermarkt ដោយរូបគេកំពុងបង្ហាញទម្រង់លេងបានលេចធ្លោ ក្រោមការដឹកនាំរបស់គ្រូបង្វឹកក្រុមតោខៀវលោក Thomas Tuchel ជាក់ស្ដែងកាលពីចុងរដូវកាលមុន គេបានរួមចំណែកជួយក្លិបដែលមានមូលដ្នាននៅភាគខាងលិចទីក្រុងឡុងដ៍មួយនេះ លើកពាន UEFA Champions League ។

យ៉ាងណាមិញ កិច្ចសន្យាបច្ចុប្បន្នរបស់ ខ្សែការពារសញ្ជាតិ អាល្លឺម៉ង់ ខាងលើ នឹងផុតកំណត់នៅចុងបញ្ចប់នៃរដូវកាលនេះ ដូច្នេះមានន័យថា រូបគេ នឹងអាចមានសិទ្ធគ្រប់គ្រាន់ ក្នុងការចរចាជាមួយក្លិបផ្សេងៗនៅខែមករា ដើម្បីត្រៀមផ្ទេរចេញដោយគ្មានតម្លៃខ្លួន នាទីផ្សាររដូវក្ដៅខាងមុខ។ ប៉ុន្តែ Chelsea មិនចង់បាត់បង់ Rudiger ដោយមិនទទួលបានអ្វីមួយសេនបែបនេះឡើយ ស្របពេល លោក Tuchel ត្រូវបានគេរាយការណ៍មកថា មានបំណងចង់រក្សារនាំងការពាររូបនេះ នៅទឹកដី Stamford Bridge បន្តទៀត។

ទោះជាយ៉ាងណា ជើងចាស់ Steve McManaman បានផ្ដល់យោបល់ឲ្យ Real Madrid គួរឆ្លៀតឱកាសនេះ បញ្ចុះបញ្ចូលយក Rudiger មកកាន់ទឹកដី Bernebeu ក៏ព្រោះថា ក្លិបយក្សអេស្ប៉ោញមួយនេះ កំពុងខ្វះខ្សែការពារដ៏រឹងមាំម្នាក់ ក្នុងការចាប់ដៃគូជាមួយ David Alaba ។

លោក Mcmanaman បានលើកឡើងថា៖

ប្រភព៖ football.london