ថៃ៖ កាលពីឆ្នាំ ២០១៤ ហ្វេនៗនិយមគាំទ្រតារាថៃ ពិសេសតារាសម្ដែង Janie Tienphosuwan ប្រាកដជាធ្លាប់ជ្រាបរួចមកហើយថា តារាស្រីរូបនេះបានដាក់ពាក្យលែងលះជាមួយអតីតស្វាមី ដោយគ្រប់គ្នាគិតថានាងត្រូវបានអតីតស្វាមីវាយធ្វើបាបរាងកាយ ក្រោយឃើញរូបភាពស្នាមជាំលើដងខ្លួននាងត្រូវបានបែកធ្លាយពេញបណ្ដាញសង្គម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ពេលវេលាកន្លងទៅជាច្រើនឆ្នាំ បច្ចុប្បន្ន Janie ក៏បានចាប់ផ្ដើមជីវិតស្នេហាម្ដងទៀត ដោយបានរៀបការជាមួយស្វាមីវ័យក្មេងរូបសង្ហាម្នាក់ និងបានចាប់ដៃគ្នារហូតបានកូនស្រីម្នាក់។
ក្នុងនោះទៀតសោត យើងឃើញថា ជីវិតគ្រួសាររបស់តួឯកស្រីក្នុងរឿង «មារយាឬស្យា» រូបនេះ ហាក់សមប្រកបជាងអ្នកមុន ព្រោះស្វាមីក្រោយនេះ គេចេះយល់ចិត្ត អាណិតស្រលាញ់ប្រពន្ធកូន បំពេញតួនាទីជាប្ដី ជាប៉ាដ៏ល្អ មើលថែគ្នា ជូនទៅនេះទៅនោះមិនឲ្យនាងលំបាកនោះឡើយ។ ដែលចំណុចទាំងនេះហើយ ទើបហ្វេនៗនាំគ្នាលើកយករឿងរ៉ាវជីវិតរបស់ Janie មកធ្វើជាគំរូតាមស្ទើរគ្រប់គ្នាផងដែរ៕
ទស្សនារូបភាពខាងក្រោម៖