ឥណ្ឌា៖ ជាងកាត់សក់ពីររូបឈ្មោះថា Rajwinder អាយុ២៩ឆ្នាំ និង Gurwinder អាយុ៣១ឆ្នាំ មកពីរដ្ឋ Punjab គឺជាបងប្អូននឹងគ្នា ដែលបានក្លាយជាជាងកាត់សក់ល្បីល្បាញក្នុងតំបន់ ដោយសារតែជំនាញរបស់ពួកគេពិតជាអាស្ចារ្យ ក្នុងការបង្កើតម៉ូតសក់ប្លែកៗ តាមតម្រូវចិត្តរបស់អតិថិជន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ពួកគេទាំងពីរនាក់បងប្អូន បានចាប់ផ្ដើមអាជីពជាជាងកាត់សក់តាំងពី៧ឆ្នាំមុនម៉្លេះ ដែលការកាត់សក់របស់ពួកគេមិនធម្មតាឡើយ ដែលអាចឈូស កោរឲ្យចេញជាមុខមាត់របស់តារាល្បីៗនៅផ្នែកខាងក្រោយក្បាល ឬចំហៀងក្បាល មិនថារូបតារាហ៊ូលីវូដ កីឡាករបាល់ទាត់ ឬទីកន្លែងផ្សេងៗឡើយ។
ចំពោះការរចនារូបភាពមានភាពស្មុគស្មាញជាខ្លាំង ដែលត្រូវចំណាយពេលរហូតដល់ទៅ៤ម៉ោងឯណោះ ហើយបើកាត់ធម្មតានិងមានរូបភាពបន្ដិចបន្ដួចវិញ ចំណាយពេលត្រឹមតែមួយម៉ោងប៉ុណ្ណោះ។
យ៉ាងណាមិញ តម្លៃនៃការកាត់ច្នៃម៉ូត មានចាប់ពី២០ដុល្លារអាមេរិក រហូតដល់៣០ដុល្លារអាមេរិក ដែលអតិថិជនមកតម្រង់ជួរគ្នារង់ចាំកាត់ រាល់ពេលមានពិធីបុណ្យម្ដងៗ។ ហើយពួកគេទាំងពីរ សង្ឃឹមថាថ្ងៃណាមួយនឹងអាចចូលរួមប្រកួតប្រជែងកាត់សក់នៅប្រទេសអាមេរិក និងម៉ិកស៊ិកផងដែរ៕
ប្រភព: 6do.news
សូមទស្សនារូបភាពនិងវីដេអូខាងក្រោម៖