កូរ៉េខាងត្បូង ៖ កាលពីមុននៅពេលក្រុម BTS ចេញបទ «Permission to Dance» ដំបូងនៅដើមឆ្នាំនេះ ក៏ត្រូវបានគេកោតសរសើរយ៉ាងច្រើន ចំពោះភាពសម្បូរបែប និងការផ្ញើសារនៃក្តីសង្ឃឹមរបស់បទចម្រៀងមួយនេះទៅមនុស្សជាច្រើន ទោះយ៉ាងណាក៏ដោយរឿងមួយដែលលេចធ្លោជាងគេនោះគឺ ការបញ្ចូលភាសាកាយវិការរបស់សមាជិក BTS ទៅក្នុងក្បាច់រាំរបស់ពួកគេដូចជា «សប្បាយ» «រាំ» និង «សន្តិភាព» ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្មីៗនេះ Channel YouTube មួយដែលមានឈ្មោះថា Deaf BTS បានចែករំលែកវីដេអូ Reaction ទៅនឹងវីដេអូចម្រៀង «Permission to Dance» នេះ ដែលមានកុមារគរថ្លង់ ៤ ទៅ ៥ នាក់អង្គុយមើលបទចម្រៀងមួយនេះ ក្នុងនោះនៅពេលដែលវីដេអូតន្ត្រីចាប់ផ្តើម កុមារៗទាំងនោះបានចែករំលែកគំនិតរបស់ពួកគេ ទៅលើវីដេអូរួមទាំងថាពួកគេចូលចិត្តប៉េងប៉ោងពណ៌ស្វាយ និងសំលៀកបំពាក់ដែលសមាជិកបានពាក់។
ទោះយ៉ាងណាពេលវេលាដែលលេចធ្លោបំផុត ចំពោះអ្នកដែលមើលវីដេអូ គឺប្រតិកម្មរបស់កុមារចំពោះសមាជិក ដែលបានរាំភាសារកាយវិការ ធ្វើឲ្យក្មេងស្រីម្នាក់ហាក់ដូចជាមានការភ្ញាក់ផ្អើលយ៉ាងខ្លាំង នៅពេលដែលនាងបានឃើញ J-Hope ធ្វើភាសាកាយវិការនេះ ហើយប្រតិកម្មរបស់នាងពិតជាគួរឱ្យស្រឡាញ់បំផុត និងសូម្បីតែវីដេអូនេះបានបញ្ចប់ហើយក៏ដោយ ក៏ក្មេងៗមិនអាចលាក់អារម្មណ៍រំភើបបាន ពេលឃើញ BTS ប្រើភាសាកាយវិការដូចពួកគេដែរ។
ក្រោយមក នៅពេលដែលវីដេអូនេះត្រូវបានចេញផ្សាយទាំង ARMYs និងអ្នកទស្សនា មិនអាចលាក់បាំងក្តីស្រលាញ់ និងភាពរំភើបចិត្តរបស់ពួកគេ ចំពោះកុមារៗទាំងនេះបានទេ ហើយទាំងអស់នេះបានបង្ហាញថាក្រុម BTS ពិតជាក្រុមតារាចម្រៀងដែលផ្តោតលើការធានាថា មនុស្សគ្រប់គ្នាត្រូវបានរាប់បញ្ចូលទៅក្នុងតន្ត្រីរបស់ពួកគេ ទោះជាពិការក៏ដោយ៕
ជ្រាបច្បាស់ សូមទស្សនាវីដេអូខាងក្រោម ៖
ប្រភព : Koreaboo