ក្រមុំមិនប្ដូរ! ជិត៤០ឆ្នាំហើយ Miranda Kerr នៅតែរក្សារាងស្អាតដដែល

បរទេស៖ ជាការពិតណាស់ នៅពេលដែល តារាម៉ូដែលស្រី Miranda Kerr បានលេចមុខម្ដងៗ ក្រោយពីឃ្លាតឆ្ងាយពីវីស័យបង្ហាញម៉ូដ អស់រយៈពេលពីរបីឆ្នាំមកនេះ រូបសម្រស់របស់នាង តែងតែធ្វើឱ្យទស្សនិកជនចាប់អារម្មណ៍យ៉ាងខ្លាំងផងដែរ។ 

មិនត្រឹមតែប៉ុណ្ណោះ តារាស្រីរូបនេះ ថែមទាំងបានឆក់យកចិត្តទស្សនិកជនទាំងឡាយ នៅក្នុងវ័យ ៣៨ ឆ្នាំ និងជាអ្នកម្តាយមានកូន ៣ នាក់ទៀត ដែលនាងនៅតែអាចរក្សារាងស្លីម និងសម្រស់ក្មេងជាងវ័យ មិនផ្លាស់ប្ដូរទៀតផង។ 

ជាពិសេសនោះ ថ្មីៗនេះ Miranda Kerr ក៏ត្រូវបានគេអញ្ជើញ ឲ្យថតរូបគ្របទស្សនាវដ្តីមួយ នៅចក្រភពអង់គ្លេស និងអូស្ត្រាលី ក្នុងពេលដែលនាងកាន់តែ បញ្ចេញសម្រស់ដ៏ទាក់ទាញ ស្បែកម៉ត់រលោង មានមន្តស្នេហ៍ ជាមួយនឹងស្ទីលយុវវ័យ ធ្វើឲ្យហ្វេនៗជាច្រើន ពិបាកនឹងដកក្រសែភ្នែកចេញ ជាមួយនឹងភាពលេចធ្លោរបស់នាង ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖