ចឹងបានគេថា នៅកម្លោះ ស្រលាញ់ស្រីក្មេង ចាស់ហើយ ក៏នៅស្រលាញ់ស្រីក្មេង! ពេលនេះ Toon យកសង្សារក្មេងដូចកូន

ថៃ៖ នៅក្នុងវិស័យសិល្បៈអស់ជាច្រើនឆ្នាំមកនេះ តារាសម្តែងជើងចាស់ លោក​ Toon Hiranyasub មិនត្រឹមតែមានទេពកោសល្យឲ្យទស្សនិកជន ចាប់អារម្មណ៍នោះទេ តែរូបលោក ក៏ត្រូវបានមនុស្សជាច្រើនកាន់ចង់ដឹងពីរឿងរ៉ាវផ្ទាល់ខ្លួននៅក្នុងជីវិតគ្រួសារ ផងដែរ។

ដោយឡែក ថ្មីៗនេះ តារាជើងចាស់រូបនេះ បានចូលមកបើកបង្ហាញពីបញ្ហាផ្ទាល់ខ្លួននៅក្នុងកម្មវិធីមួយ ព្រមទាំងបានបង្ហើបឲ្យដឹងថា បច្ចុប្បន្ននេះ លោកកំពុងតែផ្តើមស្នេហ៍ថ្មី ក្រោយពីបានលែងលះអតីតភរិយាអស់ជាច្រើនឆ្នាំ ហើយនារីក្នុងចិត្តរូបនេះ ថែមទាំងជាអ្នកនៅក្នុងសិល្បៈកម្សាន្ត និងមានអាយុខុសគ្នាដល់ ២០ ឆ្នាំ ផងដែរ។ 

នៅក្នុងនោះដែរ លោក Toon Hiranyasub ក៏បានបញ្ជាក់យ៉ាងច្បាស់ៗ នៅពេលដែលខាងពិធីករបានជីកសួរពីទំនាក់ទំនងអ្នកទាំងពីរ ព្រមទាំងលើកឡើងពីក្ដីសុខ និងភាពសប្បាយរីករាយនៅពេលបាននិយាយជាមួយគ្នាយ៉ាងចុះសម្រុង ដើម្បីបំបាត់ពីភាពតានតឹង នៅពេលកំពុងធ្វើការងារ ទៀតផង៕

ប្រភព៖ Sanook

សូមទស្សនារូបភាពខាងក្រោម៖