កូរ៉េខាងត្បូង៖ តារាសម្តែងមួយរូបនៅក្នុងរឿង Squid Game លោក Yeong-su Oh បានថ្លែងនៅក្នុងកម្មវិធីមួយរបស់កូរ៉េឈ្មោះ How Do I Play ថា លោកពិតជាពិបាកមែនទែន ក្នុងការដោះស្រាយជាមួយចំនួននៃការខលផ្តល់ឱកាសសម្តែងដល់លោក បន្ទាប់ពីប្រជាប្រិយរបស់តារាសម្តែងវ័យ ៧៧ ឆ្នាំរូបនេះ ក្នុងរឿង Squid Game ឡើងខ្ពស់ត្រដែត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
សូមបញ្ជាក់ថា រឿង Squid Game គឺជារឿងដែលមានការទស្សនាច្រើនជាងគេបំផុតនៅលើវេទិកា Netflix ជាមួយចំនួនទស្សនា ១១១ លានដង ក្នុងរយៈពេលមួយខែប៉ុណ្ណោះ។
សូមរំលឹកថា ក្នុងរឿងភាគកូរ៉េមួយនេះ លោក Yeong-su ដើរតួជា Oh Il Nam ជាតួអង្គអ្នកលេងដ៏សំខាន់មួយរូបឈរលេខរៀងទី១ ក្នុងចំណោមអ្នកលេងចំនួន ៤៥៦ នាក់ ក្នុងគោលបំណងដើម្បីឈ្នះប្រាក់រង្វាន់ ដើម្បីលោះបំណុល។
បើតាមការឱ្យដឹងពីលោក Yeong-su Oh បានបញ្ជាក់ប្រាប់កម្មវិធី How Do I Play ថា រូបលោកទទួលបាននូវការផ្តល់ជូននូវឱកាសជាច្រើន ចាប់តាំងពីខ្សែភាពយន្ត Squid Game បានធ្វើកេរ្តិ៍ឈ្មោះរបស់លោករីកសុះសាយ។
ក្នុងនោះ លោក Yeong-su Oh មានប្រសាសន៍ដូច្នេះថា៖
មានមនុស្សជាច្រើន បានទំនាក់ទំនងមកខ្ញុំ ពីព្រោះខ្ញុំអត់មានអ្នកគ្រប់គ្រងដើម្បីជួយខ្ញុំ វាពិតជាពិបាកណាស់សម្រាប់ខ្ញុំដោះស្រាយចំនួននូវការតេទូរស័ព្ទ និងសារជាច្រើន ដែលខ្ញុំបានទទួល ដូច្នេះមានតែកូនស្រីរបស់ខ្ញុំកំពុងជួយចាត់ចែងជំនួសខ្ញុំ។
ប្រភព៖ Yahoo
Bong I.T