អង់គ្លេស៖ ខ្សែប្រយុទ្ធវ័យក្មេងរបស់ Barcelona កីឡាករ Ansu Fati ត្រូវបានគេរាយការណ៍ថា បានបដិសេធសំណើរបស់ Manchester United, Liverpool និង Paris Saint Germain ដើម្បីបន្តលេងនៅកីឡដ្ឋាន Camp Nou។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កាលពីម្សិលមិញនេះ Fati ទើបតែបានសម្រេចចិត្តចុះហត្ថលេខាបន្តកុងត្រាថ្មីជាមួយ Barcelona រហូតដល់ឆ្នាំ២០២៧ ធ្វើឲ្យតម្លៃខ្លួនផ្តាច់កុងត្រារបស់គេកើនឡើងដល់ទៅចំនួន១០០០លានអឺរ៉ូ (ឬប្រមាណ១១៦២.៨លានដុល្លារ) ស្មើទៅនឹង មិត្តរួមក្រុម Pedri ដែលទើបនឹងបន្តកុងត្រាថ្មីដូចគ្នានៅក្នុងសប្តាហ៍នេះ។
យ៉ាងណាក្តីបើយោងទៅតាមចុះផ្សាយរបស់កាសែត Diario Sport បានលើកឡើងថា Man Utd, Liverpool និង PSG សុទ្ធតែបានដាក់សំណើទៅកាន់ Fati ដើម្បីយករូបគេមករួមក្លិប និង ហ៊ានផ្តល់ប្រាក់នឿយហត់គុណនឹងពីរនៅ Barcelona ប៉ុន្តែ កីឡាករវ័យ១៨ឆ្នាំខាងលើបានបដិសេធពីព្រោះរូបគេចង់បន្តលេងជាមួយក្រុមអ្នកមានបុណ្យ៕
ប្រភព៖ dailymail