យល់ដឹង៖ គ្រប់តារានិករទាំងអស់សុទ្ធតែមានចរិតផ្ទាល់ខ្លួន ហើយនេះគឺជាអ្វីដែលធ្វើឲ្យ ពួកគេមានវិធីផ្សេងៗគ្នា នៅពេលដែលមិនចូលចិត្ត ឬស្អប់នរណាម្នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះនឹងបង្ហាញអំពី រឹកពាររបស់តារានិករនីមួយៗ នៅពេលដែលពួកគេលួចស្អប់អ្នក ៖
♈️ Aries (Mar 21 – Apr 19)
អ្នកពិតជាមិនប្រាកដអំពី របៀបដែលអ្នកនឹងប្រព្រឹត្តចំពោះមុខមនុស្សដែលអ្នកស្អប់នោះទេ ដូច្នេះអ្នកព្យាយាមជៀសវាង ការនៅក្បែរពួកគេ។
ប៉ុន្តែអ្នកក៏ស្រលាញ់ជីវិតសង្គមរបស់អ្នកដែរ ហើយអ្នកមិនមែនជា មនុស្សដែលនឹងអនុញ្ញាតឲ្យជីវិតសង្គមរបស់ខ្លួនឯង រងទុក្ខដោយសារមនុស្សម្នាក់ឡើយ។
អ្នកធ្វើយ៉ាងណា ឲ្យមានភាពជិតស្និទ្ធតិចបំផុត និងជៀសមិនឲ្យជួប មនុស្សដែលអ្នកស្អប់ តែម្ដង។
♉️ Taurus (Apr 20 – May 20)
អ្នកមិនជឿជាក់លើខ្លួនឯងថា មិនមានអារម្មណ៍អ្វី នៅចំពោះមុខមនុស្សដែលអ្នកស្អប់នោះទេ ដូច្នេះអ្នកត្រូវដើរតាមផ្លូវណា ដែលមិនអាចជួបពួកគេ ឬយ៉ាងហោច អ្នកអាចមិនអើពើនឹងពួកគេ បានដោយបើកចំហ។
ជាធម្មតា អ្នកមិនស្អប់មនុស្សដោយងាយទេ ដូច្នេះប្រសិនបើមានមនុស្សម្នាក់ ដែលអ្នកពិតជាស្អប់ នោះវានឹងកើតឡើងបន្ទាប់ពីអ្នក បានព្យាយាមគ្រប់វិធី ដើម្បីធ្វើឲ្យមិត្តភាពប្រសើរឡើងជាមួយពួកគេ រួចរាល់ហើយ។
♊️ Gemini (May 21 – Jun 20)
ប្រសិនបើអ្នកស្អប់នរណាម្នាក់ អ្នកនឹងធ្វើឲ្យប្រាកដចិត្តថា អ្នកបានហៅពួកគេ ចេញតាមគ្រប់ឱកាសទាំងអស់ ហើយអ្នកនឹងមិនស្ទាក់ស្ទើរ ក្នុងការប្រើបណ្តាញសង្គម ដើម្បីបំបាក់មុខ និងសើចចំអកឲ្យពួកគេឡើយ។
♋️ Cancer (Jun 21 – Jul 22)
អ្នកមានអារម្មណ៍ថា អារម្មណ៍របស់អ្នក មានមនោសញ្ចេតនាពេក ហើយភាគច្រើន អ្នកតែងតែខំរក្សាវាទុក ដោយខ្លួនឯង។ ប្រសិនបើអ្នកនៅក្បែរមនុស្សដែលអ្នកស្អប់ អ្នកនឹងព្យាយាមឲ្យអស់ពីសមត្ថភាព ដើម្បីមិនមានប្រតិកម្មចំពោះពួកគេ ហើយសង្ឃឹមថាអ្នក អាចចេញពីកន្លែងនោះ បានយ៉ាងឆាប់រហ័ស។
ប្រសិនបើអ្នកស្អប់នរណាម្នាក់ អ្នកគ្រាន់តែដកខ្លួន ហើយដើរចេញពីមនុស្សនោះ ជាជាងធ្វើឲ្យខ្លួនអ្នក ឈ្លោះប្រកែកក្នុងចិត្ត ដោយមិនចាំបាច់។
♌️ Leo (Jul 23 – Aug 22)
អ្នកជាម្ចាស់ការស្អប់ខ្ពើមរបស់អ្នក ហើយអាចមានប្រតិកម្មអាក្រក់ ជាមួយមនុស្សដែលអ្នកស្អប់។
អ្នកដឹងថាវាជារឿងល្អ បើអាច Fake Smile ដាក់ពួកគេ ប៉ុន្តែអ្នកគ្មានរបៀបក្នុងការអភ័យទោស នៅពេលអ្នកស្អប់នរណាម្នាក់ឡើយ។
អ្នកក៏អាចនិយាយដើមពួកគេ ទៅមិត្តភក្តិរបស់អ្នក រហូតដល់គ្មានទីបញ្ចប់ ហើយប្រសិនបើពួកគេ មកនៅចំពោះមុខអ្នក កំហឹងរបស់អ្នកនឹងគ្មានដែនកំណត់ឡើយ។
♍️ Virgo (Aug 23 – Sep 22)
អ្នកឲ្យតម្លៃចំពោះការច្នៃប្រឌិត និងភាពខ្នះខ្នែងរបស់អ្នក ចំពោះជីវិតច្រើនពេក ដើម្បីកុំឲ្យអ្នកដទៃរំខានអ្នក។
ប៉ុន្តែនៅតែមាននរណាម្នាក់ ដែលអាចធ្វើឲ្យអ្នកភ័យ ឬខឹង នៅពេលដែលពួកគេធ្វើ អ្នកគ្រាន់តែមិនអើពើនឹងពួកគេ ដូចជាមនុស្សដែលមានទេពកោសល្យ ពូកែក្នុងការ មិនអើពើ។
អ្នកនឹងមានអាកប្បកិរិយាដូចជា មើលមិនឃើញពួកគេ បើទោះបីអ្នក នៅជុំវិញខ្លួនពួកគេក៏ដោយ។
♎️ Libra (Sep 23 – Oct 22)
អ្នកមានតុល្យភាពច្បាស់ក្នុងជីវិត ហើយមិនស្អប់នរណាម្នាក់ដោយងាយទេ។ ប៉ុន្តែប្រសិនបើនរណាម្នាក់ ពិតជាអាចធ្វើអ្វីដាក់អ្នក ក្នុងផ្លូវខុស អ្នកក៏មិនអាចទប់កំហឹងបានឡើយ។
អ្នកត្រូវបានគេស្គាល់ថា មានមិត្តភក្តិច្រើន ហើយអ្នកនឹងមិនស្ទាក់ស្ទើរ ក្នុងការកាត់ផ្តាច់អ្នកណាម្នាក់ ចេញពីជីវិតរបស់អ្នកទេ ប្រសិនបើពួកគេធ្វើអាក្រក់ជាមួយអ្នក ព្រោះអ្នកដឹងថា មានមនុស្សអាចជំនួសពួកគេបាន ដោយងាយ។
♏️ Scorpio (Oct 23 – Nov 21)
អ្នកត្រូវបានគេដឹងថា ស្មោះត្រង់យ៉ាងខ្លាំងបំផុត។ បើអ្នកពិតជាស្អប់នរណាម្នាក់ អ្នកសុខចិត្តប្រាប់គេជាមុន ហើយឈានដល់ការនិយាយ ជាមួយគេដោយផ្ទាល់។ អ្នកមិនមែនជាមនុស្សដែលខិតខំប្រឹងប្រែង ដើម្បីឲ្យមានភាពថ្លៃថ្នូរ ឬត្រឹមត្រូវខាងនយោបាយ ឬចូលចិត្តភាពស្និទ្ធស្នាលក្លែងក្លាយ ក្នុងសង្គមឡើយ។
អ្នកនឹងនិយាយដោយត្រង់ៗ នៅនឹងមុខ ហើយនេះក៏ជួយសន្សំពេលវេលារបស់អ្នករាល់គ្នាផងដែរ។
♐️ Sagittarius (Nov 22 – Dec 21)
អ្នកមានភាពចាស់ទុំពេក ដែលដឹងថាការស្អប់នរណាម្នាក់ គ្រាន់តែបំផ្លាញចិត្តរបស់អ្នក មិនមែនការបំផ្លាញពួកគេនោះទេ ដូច្នេះអ្នកជៀសវាង ការខឹង ឲ្យបានច្រើនបំផុត តាមដែលអាចធ្វើបាន។
ប៉ុន្តែប្រសិនបើនរណាម្នាក់ អាចចូលក្នុងបញ្ជីស្អប់របស់អ្នកហើយ អ្នកគ្រាន់តែព្យាយាមជៀសវាង ការនៅក្បែរពួកគេប៉ុណ្ណោះ។
អ្នកនឹងមិនទៅកម្មវិធីរបស់ពួកគេ ក៏មិនអញ្ជើញពួកគេ មកកន្លែងរបស់អ្នកដែរ។
♑️ Capricorn (Dec 22 – Jan 19)
អ្នកឲ្យតម្លៃពេលវេលារបស់អ្នកណាស់ ទើបមិនងាយវិនិយោគ ក្នុងការស្អប់នរណាម្នាក់ឡើយ។ ប៉ុន្តែប្រសិនបើមាននរណាម្នាក់ ធ្វើអាក្រក់មកលើអ្នក ដោយអយុត្តិធម៌ អ្នកក៏នឹងមិនអត់ឱន ចំពោះភាពអយុត្តិធម៌នោះដែរ។
អ្នកនឹងប្រាប់គេជាមុនថា អ្នកមានបញ្ហាជាមួយពួកគេ ហើយនឹងបន្តដំណើរជីវិតរបស់អ្នក ដោយគ្មានរូបពួកគេ ចាប់ពីពេលនេះ។
♒️ Aquarius (Jan 20 – Feb 18)
អ្នកមិនឆើតឆាយដូចតារានិករផ្សេងទៀត នៅពេលនិយាយអំពីការស្អប់ខ្ពើមរបស់អ្នក ប៉ុន្តែនេះមិនមានន័យថា អ្នកមិនស្អប់អ្នកណានោះទេ។ នៅពេលអ្នកស្អប់នរណាម្នាក់ អ្នកទំនងជារក្សាវាទុកដោយខ្លួនឯង។ ប៉ុន្តែប្រសិនបើនរណាម្នាក់ យកចិត្តទុកដាក់យ៉ាងខ្លាំង ចំពោះអាកប្បកិរិយារបស់អ្នក ពួកគេពិតជាអាចកត់សម្គាល់ ពីការផ្លាស់ប្តូរបន្តិចបន្តួច នៅពេលអ្នកនៅក្បែរ មនុស្សដែលអ្នកស្អប់។
♓️ Pisces (Feb 19 – Mar 20)
អ្នកអាចប្រើកលល្បិចច្រើន នៅពេលអ្នកស្អប់នរណាម្នាក់។ អ្នកនឹងមិនអនុញ្ញាតឲ្យការស្អប់ខ្ពើមរបស់អ្នក បង្ហាញនៅក្នុងអាកប្បកិរិយារបស់អ្នកឡើយ។ អ្នកនឹងគួរសមចំពោះពួកគេនៅពីមុខ។ អ្នកនឹងដើរលេងជាមួយពួកគេ ហើយនិយាយរឿងកំប្លែងជាមួយពួកគេតាមធម្មតា។
ហើយពួកគេក៏មិនអាចដឹង ថាអ្នកស្អប់ពួកគេឡើយ។
ប្រភព: themindsjournal