ក្រោយរួចផុតទារុណកម្មពីឪពុក ពេលនេះ Britney Spears ដឹកដៃគូដណ្ដឹងវ័យក្មេងទៅមើល វិមានម្លៃ ១៦,៥ លានដុល្លារ

បរទេស៖ ពិតណាស់ Britney Spears បានរស់នៅជាច្រើនឆ្នាំនៅឯវិមាននៅ Thousand Oaks រដ្ឋ California ។ ផ្ទះរបស់នាង ក៏ធំទូលាយនិងមានបំពាក់បរិក្ខាយ៉ាងពេញលេញ ប៉ុន្តែវាបានរក្សានូវអនុស្សាវរីយ៍ដ៏ក្រៀមក្រំជាច្រើន នៅពេលដែលនាងត្រូវបាន ឪពុកបង្កើតរបស់នាងចាត់ទុកធ្វើទារណ្ឌកម្មដូចអ្នកបម្រើ ។

យ៉ាងណាមិញ ភ្លាមៗបន្ទាប់ពីនាង ត្រូវបានដោះលែងពីការគ្រប់គ្រងការពាររបស់ឪពុកនាងហើយ Britney សម្រេចចិត្តលក់ផ្ទះនេះដើម្បីផ្លាស់ទៅកន្លែងថ្មី។ ជាមួយគ្នានេះ តារាPopរូបនេះ ក៏ចង់ស្វែងរកផ្ទះថ្មីសម្រាប់នាងនិង Sam Asghari បន្ទាប់ពីអ្នកទាំងពីរបានភ្ជាប់ពាក្យជាមួយគ្នា។

ជាក់ស្ដែង តារាចម្រៀង Britney Spears និងគូដណ្តឹងរបស់នាង ត្រូវបានគេប្រទះឃើញទៅមើលវិមានដ៏ស្រស់ស្អាតតម្លៃ ១៦,៥ លានដុល្លារ នៅឯ Hidden Hills រដ្ឋ California នៅថ្ងៃទី ១៩ ខែតុលាកន្លងទៅនេះ ។ 

គួរបញ្ជាក់ថា វិមាននេះមានទទឹង ៨ ហិកតា ដូចជា oasis នៅលើភ្នំជាមួយនឹងទេសភាពដ៏អស្ចារ្យដែលអាចមើលឃើញភ្នំនៅភាគខាងត្បូងរដ្ឋកាលីហ្វ័រញ៉ា។ ផ្ទះនេះត្រូវបានសាងសង់លើផ្ទៃដីជិត ២០០០ ម៉ែត្រការ៉េ រួមទាំងបន្ទប់គេង ៧ បន្ទប់ទឹក ១៣ បន្ទប់មើលកុនបន្ទប់កម្សាន្ត បន្ទប់ស្រា កន្លែងហាត់ប្រាណស្ប៉ាជាដើម។ លើសពីនេះ វិមានទាំងមូលមានរចនាបទដ៏ប្រណិតអស្ចារ្យ ដែលជាន្លែងរស់នៅដ៏ល្អសម្រាប់គ្រួសារសិល្បករ៕

ប្រភព៖ ngoisao

សូមទស្សនារូបភាពខាងក្រោម​៖