UCL៖ ខ្សែប្រយុទ្ធ Leroy Sane រួមជាមួយដៃគូកីឡាករ Robert Lewandowski បានចាប់ដៃគ្នា យក៣ពិន្ទុ ជូនក្លិប Bayern Munich ក្នុងជំនួបវគ្គជម្រុះក្នុងពូល ព្រឹត្តិការណ៍ Champions League កាលពីយប់មិញ ទល់នឹងក្រុម Benfica ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្រាប់ការប្រកួតនេះ សង្កេតឃើញថា Sane បានបង្ហាញទម្រង់យ៉ាងលេចធ្លោ ដោយរូបគេ រកបាន២គ្រាប់ម្នាក់ឯង តាមរយៈការស៊ុតហ្វ្រីឃីគ នៅនាទីទី៧០ និង១គ្រាប់ទៀតនៅនាទីទី៨៤។ មិនត្រឹមតែប៉ុណ្ណោះ ខ្សែប្រយុទ្ធសញ្ជាតិអាល្លឺម៉ង់ រូបនេះ ក៏បាន Assist ១គ្រាប់ឲ្យ Lewandowski បញ្ចប់ទីនៅនាទីទី៨២ផងដែរ ដោយឡែក១គ្រាប់ទៀត ជាការភ្លាត់ធ្វើឲ្យចូលទីខ្លួនឯងរបស់ខ្សែប្រយុទ្ធក្រុមម្ចាស់ផ្ទះ កីឡាករ Everton Soares នៅនាទីទី៨០។
គួរបញ្ជាក់ដែរថា តាមរយៈជ័យជម្នះនេះ Bayern បានបន្តឈរកំពូលតារាងពូល E មាន៩ពិន្ទុ ឆ្លងកាត់ ៣ប្រកួត មិនដែលចាញ់ តាមពីក្រោយ ដោយក្រុមលេខ២ Benfica មាន៤ពិន្ទុ ឈរពីលើក្រុម Barcelona ១ពិន្ទុ ខណៈក្រុម Dynamo Kyiv ឈរបាតតារាង មានត្រឹម១ពិន្ទុ៕
បើចង់ជ្រាបច្បាស់ សូមទស្សនាវីដេអូខាងក្រោម៖