អារ៉ាប៊ីសាអូឌីត បង្ហាញគម្រោងសាងសង់សួនកម្សាន្តដ៏ធំលើទឹក

អារ៉ាប៊ីសាអូឌីត៖ ប្រទេសអារ៉ាប៊ីសាអូឌីត បានបង្ហាញគម្រោងនៃការសាងសង់សួនកម្សាន្តអណ្ដែតទឹកមួយឈ្មោះថា “The Rig” និងមានទំហំ១,៦លានហ្វីការ៉េនៅលើនៅលើអណ្ដូងប្រេងមួយ ដែលមានឧបករណ៍ជិះកម្សាន្តរទេះភ្លើង កីឡាប្រើកម្លាំង និងទោងរំអិលទឹកជាដើម។

តាមប្រភពព័ត៌មានបានឲ្យដឹងថា គម្រោងដ៏ធំនេះ រួមបញ្ជូលសណ្ឋាគារចំនួនបី និងភោជនីយដ្ឋានចំនួន១១ កន្លែងប្រគុំតន្ត្រី អាងហែលទឹក និងជិះកន្ត្រក់ ឬខ្សែរ៉ត់គយគន់ទេសភាពលើផ្ទៃសមុទ្រផងដែរ។ ហើយវាត្រូវបានប្រមូលដោយធនាគារវិនិយោគសាធារណៈរបស់អារ៉ាប៊ីសាអូឌីត ដែលទើបតែទិញនូវក្លិបបាល់ទាត់ Newcastle United ក្នុងតម្លៃប្រមាណ៤១៤,៩៣០,០០០ដុល្លារអាមេរិក ដែលក្រុមអ្នកជិះគន់បាននិយាយថា វាជាការប៉ុនប៉ង លាងសម្អាតកីឡា ដើម្បីផ្លាស់ប្ដូរការផ្ដោតអារម្មណ៍ពីកំណត់ត្រាសិទ្ធិមនុស្សដ៍អាក្រក់របស់រដ្ឋាភិបាលក្រុង Riyah។

យ៉ាងណាមិញ អារ៉ាប៊ីសាអូឌីតកំពុងផ្ដោតសំខាន់និងវិនិយោគយ៉ាងខ្លាំងទៅលើវិស័យទេសចរណ៍ ដែលមានបំណងទាក់ទាញភ្ញៀវទេសចរចំនួន១០០លាននាក់ជារៀងរាល់ឆ្នាំ នៅឆ្នាំ២០៣០ខាងមុខនេះ៕

ប្រភព: Daily Mail

សូមទស្សនារូបភាពខាងក្រោម៖