អឺរ៉ុប៖ អតីតកីឡាករក្រុមបិសាចក្រហម Manchester United លោក Paul Scholes បានហៅ Mason Greenwood ថាជាអ្នកបញ្ចប់ទីល្អបំផុតប្រចាំក្លិប ជាងខ្សែប្រយុទ្ធជើងចាស់ Cristiano Ronaldo និង Edinson Cavani ទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Scholes បានប្រាប់ BT Sport ថា៖
ខ្ញុំគិតថាគាត់ (Greenwood) ជាអ្នកបញ្ចប់ទីល្អបំផុតប្រចាំក្លិប។ គាត់អាចស៊ុតបានទាំងស្ដាំទាំងឆ្វេង ប្រកបដោយថាមពល។ ខ្ញុំនៅតែគិតថា គាត់កំពុងលេងនៅទីតាំងត្រឹមត្រូវ។ ខ្ញុំមិនយល់ថាគាត់ លេងជាខ្សែប្រយុទ្ធកណ្ដាលនោះទេ។ គាត់មានល្បឿន ក៏ដូចជាបច្ចេកទេសល្អ។ គាត់ជាខ្សែប្រយុទ្ធល្អជាងខ្ញុំទៅទៀត ខ្ញុំគិតថាគាត់ជាអ្នកបញ្ចប់ទីល្អបំផុតម្នាក់។
ជាការពិតណាស់ Greenwood ចាប់ផ្ដើមរដូវកាលនេះបានល្អមែនទែន ដោយរកបាន៣គ្រាប់ ក្នុងចំណោម៣ប្រកួតដំបូង នៅក្របខណ្ឌ Premier League ហើយក្នុងជំនួបដែល Man United ចាញ់ Leicester City ថ្មីៗនេះ ក្នុងលទ្ធផល ៤ ទល់នឹង ២ រូបគេក៏រួមចំណែកបានមួយគ្រាប់ផងដែរ៕
ប្រភព៖ manchestereveningnews
Bong I.T