អង់គ្លេស៖ លោក Paul Merson ជឿជាក់ថា មកពីកំហុសលោក Ole Gunnar Solskjaer ទើបកីឡាករ Cristiano Ronaldo បង្ហាញទម្រង់លេងពុំសូវបានល្អ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Ronaldo ខកខានក្នុងការរកគ្រាប់បាល់បីប្រកួតហើយក្នុងចំណោមបួនប្រកួតនៅក្នុងព្រឹត្តិការណ៍ទាំងអស់ជាមួយក្រុមបិសាចក្រហម ហើយការធ្លាក់ចុះនៃទម្រង់លេងរបស់កីឡាករសញ្ចាតិព័រទុយកាល់ខាងលើនេះត្រូវបានគេសន្និដ្ឋានថាមកពី លោក Solskjaer មិនទាន់ចេះរៀបក្បួនប្រយុទ្ធឲ្យបានត្រឹមត្រូវ។
លោក Merson បាននិយាយថា៖
ខ្ញុំមិនបន្ទោសដល់ Ronaldo ទេ ព្រោះនេះជាតួនាទីរបស់លោក Solskjaer ដែលត្រូវរៀបចំប្រព័ន្ធលេងក្នុងក្រុមឲ្យបានល្អ។ លោក Solskjaer គួរតែប្រាប់ទៅកូនក្រុមវិញថា មិនត្រូវរំពឹងចាំតែបោះបាល់ឲ្យ Ronaldo ចាំឈរស៊ុតរហូតទេ ហើយបើលោកចង់ឲ្យ Ronaldo លេងបានល្អជាងនេះ លោកគួរតែប្តូរឲ្យ Ronaldo លេងតួនាទីចល័តវិញ រួចដាក់ឲ្យ Rashford ឬ Greenwood ជាអ្នកគាំទ្រគេនៅខាងលើវិញ ទើបគេអាចមានសាច់បាល់លេងច្រើន៕
ប្រភព៖ Sportskeeda
Bong I.T