កីឡាករឆ្នើម រូបនេះថា ខ្លួនធ្លាប់មានបំណងចង់ចាកចេញពី Man UTD ដោយសាររឿងពាន ESL

អង់គ្លេស៖ ខ្សែបម្រើក្លិប Manchester United កីឡាករ Bruno Fernandes ត្រូវបានគេទម្លាយឲ្យដឹងថា រូបគេបានពិចារណាក្នុងការចាកចេញពីក្លិបកាលពីដើមឆ្នាំ២០២១កន្លងទៅ បន្ទាប់ពីបិសាចក្រហមបានសម្រេចចិត្តចូលរួមក្នុងការប្រកួតពានរង្វាន់ European Super League។

ជាការពិតណាស់ Man Utd ជា ក្លិបមួយក្នុងចំណោមក្លិបទាំង១២ដែលបានឯកភាពក្នុងការចូលរួមប្រកួតពានរង្វាន់ ESL ប៉ុន្តែ ក្រោយទទួលរង់នូវការរិះគន់ពីសំណាក់អ្នកគាំទ្រជុំវិញពិភពលោក ក្លិបក៏បានសម្រេចចិត្តដកខ្លួនមិនចូលរួមការប្រកួតវិញ។

បើយោងទៅតាមការចុះផ្សាយរបស់កាសែត The Atheltic បានលើកឡើងថា Bruno ជា សមាជិកម្នាក់នៅក្នុងក្រុមដែលជំទាស់ដាច់ខាតមិនពេញចិត្តក្នុងការចូលរួមលេងពាន ESL កាលពីខែមេសាកន្លងទៅ រហូតមានកូនចិត្តមួយគិតថា នឹងសំណូមពរទៅថ្នាក់លើដើម្បីចាកចេញពីកីឡដ្ឋាន Old Trafford។ រូបគេពិតជាខឹងសម៉្បាមែនទែនចំពោះការសម្រេចចិត្តរបស់ក្លិបពីព្រោះគេគិតថា វាផ្ទុយទៅនឹងគោលការណ៍របស់ក្រុម និង អ្នកគាំំទ្រ៕

ប្រភព៖ metro