មែនអត់? លោក Agbonlahor ថាម្នាក់នេះគួរតែបានប្រាក់ឈ្នួលខ្ពស់ជាង Ronaldo

បើខ្ញុំជា Mo Salah ខ្ញុំចង់បានប្រាក់ឈ្នួលខ្ពស់ជាងកីឡាករដែលកំពុងរកប្រាក់ឈ្នួលបានខ្ពស់ជាងគេនៅ Premier League ។ បើអ្នកមិនឲ្យខ្ញុំទេ ខ្ញុំនឹងទៅកន្លែងណាផ្សេង ខ្ញុំពិតជាសំខាន់ចំពោះ Liverpool មែនហើយបើគ្មានខ្ញុំ ក្រុមនេះមិនអាចឈ្នះពានក្នុងលីគឬ Champions League បានទេ។ ខ្ញុំគិតថា ពួកគេគួរតែផ្ដល់ប្រាក់ឈ្នួលដល់ Salah ឲ្យសមនឹងអ្វីដែលគេបានធ្វើ។ Mo salah គឺពិតជាសំខាន់ ខ្ញុំមានន័យថាគេជាកីឡាករល្អបំផុតក្នុងពិភពលោក។ គ្មានកីឡាករណាធ្វើបានដូច Salah នៅក្នុងលីគធំជាងគេក្នុងលោកនិងជាលីគដែលលំបាកជាងគេក្នុងលោកទេ យ៉ាងហោចណាស់ក៏លំបាកជាងលីគនៅអាល្លឺម៉ង់ដែរ។ បើខ្ញុំជាគេគឺខ្ញុំចង់ឲ្យក្លិបផ្ដល់ប្រាក់ឈ្នួលឲ្យខ្ញុំតាមអ្វីដែលសមគួរ ខ្ញុំមានន័យថា Ronaldo រកបាន៥០០០០០ផោន ក្នុងមួយសប្តាហ៍ អ៊ីចឹងខ្ញុំចង់បាន ៥០១០០០ផោន។