មែនអត់? លោក Agbonlahor ថាម្នាក់នេះគួរតែបានប្រាក់ឈ្នួលខ្ពស់ជាង Ronaldo
កីទ្បា
២១-តុលា-២០២១ ៩ព្រឹក · ២ ឆ្នាំមុន
លោក Agbonlahor ថាខ្សែប្រយុទ្ធម្នាក់នេះគួរបានប្រាក់ឈ្នួលខ្ពស់ជាង Ronaldo
អង់គ្លេស៖ អតីតកីឡាកររបស់ Aston Villa គឺលោក Gabriel Agbonlahor បាននិយាយថា ខ្សែប្រយុទ្ធ Mohamed Salah នៃក្លិបហង្សក្រហម Liverpool គួរតែទទួលបានប្រាក់ឈ្នួលខ្ពស់ជាង ខ្សែប្រយុទ្ធ Cristiano Ronaldo នៃក្លិប Manchester United ។
មកទល់ពេលនេះ Salah បន្តរកគ្រាប់បាល់បានសរុប១២គ្រាប់ហើយសម្រាប់រដូវកាលថ្មីដោយ Liverpool ត្រូវបានគេរាយការណ៍ថាកំពុងចរចាបន្តកុងត្រាដល់កីឡាករសញ្ជាតិអេស៊ីបរូបនេះ។
យ៉ាងណាមិញ ឥលូវនេះ Salah រកបានតែ២០០០០០ផោន(ស្មើនឹងប្រមាណ២៧៥០០០ដុល្លារ)ក្នុងមួយសប្តាហ៍ ខណៈដែល Ronaldo ជាកីឡាករដែលរកប្រាក់ឈ្នួលបានខ្ពស់ជាងគេនៅ Premier League គឺទទួលបានដល់ ៥០០០០០ផោន(ស្មើនឹងប្រមាណ៦៨៨០០០ដុល្លារ)ក្នុងមួយសប្តាហ៍។