តូក្យូ៖ ភ្នំភ្លើងមួយបានផ្ទុះឡើងក្នុងប្រទេសជប៉ុននៅថ្ងៃពុធនេះ ដោយបានផេះនិងផ្សែងរាប់ពាន់ម៉ែត្រឡើងទៅលើមេឃ ជាហេតុនាំឱ្យអាជ្ញាធរព្រមានពីការគំរាមកំហែងនៃការហូរចេញកម្អែលភ្នំភ្លើង ក៏ដូចជាដុំថ្មធ្លាក់ចុះមក។ នេះបើតាមប្រភពព័ត៌មាន Retuers។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ទីភ្នាក់ងារឧតុនិយមជប៉ុនបានបញ្ជាក់ថា ភ្នំភ្លើងដែលផ្ទុះឡើងនេះ មានឈ្មោះ Aso ដែលជាទិសដៅទេសចរណ៍នៅលើកោះ Kyushu ភាគខាងត្បូងប្រទេសជប៉ុន ហើយបានជះផេះឡើងទៅលើកម្ពស់ ៣.៥គីឡូម៉ែត្រ ខណៈពេលផ្ទុះឡើងនៅប្រហែលម៉ោង ១១ៈ៤៣ នាទីព្រឹក។
គួរជម្រាបដែរថា ភ្នំភ្លើង Aso ធ្លាប់បានផ្ទុះម្តងក្នុងកម្រិតស្រាលកាលពីឆ្នាំ ២០១៩ ខណៈគ្រោះមហន្តរាយភ្នំភ្លើងដ៏អាក្រក់បំផុតរបស់ជប៉ុន ក្នុងរយៈពេលជិត ៩០ឆ្នាំ បានឆក់យកជីវិតមនុស្ស ៦៣នាក់ នៅលើភ្នំ Ontake កាលពីខែកញ្ញាឆ្នាំ ២០១៤៕
Bong I.T