អាមេរិក៖ យានអវកាសជំនាន់ក្រោយរបស់ណាសាបានត្រៀមខ្លួនរួចជាស្រេច ដើម្បីភ្ជាប់ទៅនឹងរ៉ុក្កែត ដែលអាចនឹងបញ្ជូនវាទៅឋានព្រះចន្ទនៅឆ្នាំនេះ ឬនៅដើមឆ្នាំ២០២២។ កាលពីថ្ងៃចន្ទ យានអវកាស Orion ត្រូវបានផ្លាស់ប្ដូររវាងអាគារ នៅមជ្ឈមណ្ឌលអវកាស Kennedy Space Center របស់រដ្ឋផ្លរីដា មុននឹងត្រូវបានបញ្ជូនទៅដាក់លើរ៉ុក្កែតប្រព័ន្ធបាញ់បង្ហោះដ៏មានឥទ្ធពិពល SLS។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្រាប់ការហោះហើរនាពេលខាងមុខនេះ យានអវកាស Orion នឹងហោះជុំវិញព្រះចន្ទ ដោយគ្មានអវកាសយានិកទៅជាមួយនោះទេ។ វាជាផ្នែកមួយនៃផែនការអាមេរិក ក្នុងការបញ្ជូនមនុស្សត្រលប់ទៅកាន់ផ្ទៃឋានព្រះចន្ទ នៅទសវត្សរ៍នេះ។ កម្មវិធីនេះត្រូវបានគេហៅថា Artemis បន្ទាប់ពីបេសកកម្មអាប៉ូឡូ ដែលបានជួយមនុស្សឲ្យមានវត្តមានរយៈពេលវែង នៅលើអង្គរណបធម្មជាតិតែមួយគត់របស់ផែនដីយើងនេះ។
យាន Orion គឺជាធាតុសំខាន់ចុងក្រោយ ដែលនឹងត្រូវដាក់នៅលើរ៉ុក្កែតប្រព័ន្ធបាញ់បង្ហោះ SLS ដ៏ខ្ពស់ កម្ពស់៩៨ម៉ែត្រ ដែលក្រុមវិស្វករបានដំឡើងវានៅអាគារសង់ផ្គុំ VAB ចាប់តាំងពីខែធ្នូ ឆ្នាំ២០២០។ បេសកកម្ម Artemis-1 ដែលមានរយៈពេល៣សប្ដាហ៍ នឹងធ្វើតេស្ដរ៉ុក្កែតប្រព័ន្ធបាញ់បង្ហោះ SLS និងយានអវកាស Orion មុនពេលអវកាសយានិកត្រូវបានអនុញ្ញាតឲ្យជិះ សម្រាប់បេសកកម្ម Artemis-2 ដែលនឹងធ្វើដំណើរជុំវិញព្រះចន្ទ នៅចុងឆ្នាំ២០២៣។ បេសកកម្មដឹកមនុស្សចុះចតនៅលើឋានព្រះចន្ទ (បេសកកម្ម Artemis-3) ត្រូវបានកំណត់ សម្រាប់ឆ្នាំ២០២៤ បើទោះជាក្រុមអ្នកសង្កេតការណ៍គិតថា កាលបរិច្ឆេទនោះអាចនឹងត្រូវរំកិល៕
ប្រភព: BBC