បន្ទាយមានជ័យ៖ អាជ្ញាធរក្រុងប៉ោយប៉ែត ដឹកនាំដោយឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្ដេចនាយករដ្ឋមន្ត្រីហ៊ុនសែន និងលោក គៀត ហ៊ុល អភិបាលនៃគណៈអភិបាលក្រុងប៉ោយប៉ែត និងជាប្រធាននៃគណៈបញ្ជាការឯកភាពក្រុង នៅព្រឹកថ្ងៃទី២០ ខែតុលា ឆ្នាំ២០២១ នេះ បានដឹកនាំកងកម្លាំងចម្រុះប្រមាណជាង ៣០០នាក់ ចុះតាមអូរព្រំដែនកម្ពុជា ថៃ ដើម្បីត្រៀមលក្ខណៈជួយជម្លៀសប្រជាពលរដ្ឋចំនួន ៤ភូមិ ក្នុងនោះមានភូមិប៉ោយប៉ែត ភូមិក្បាលកោះ ភូមិអូរជ្រៅ ភូមិគីឡូម៉ែត្រលេខ៤ នៅក្នុងក្រុងប៉ោយប៉ែត ដែលរងគ្រោះដោយសារតែទឹកជំនន់ហៀរហូរមកពីប្រទេសថៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអភិបាលក្រុងប៉ោយប៉ែត បញ្ជាក់ថា បើប្រៀបធៀបនឹងឆ្នាំមុន គឺទឹកឡើងមកខ្លាំង តែពេលនេះប្រជាពលរដ្ឋរបស់យើងដែលកំពុងរងគ្រោះតាមអូរព្រំដែននោះ មានសុភាពដូចជាធម្មតាដែលអាចឲ្យកម្លាំងរបស់យើងមកជួយពួកគាត់បានទាន់ពេលវេលា។ លោកបានបន្តទៀតថា មកដល់ពេលនេះគឺយើងបានជួយគាត់បានជាង ៨០គ្រួសារហើយ តែយើងកំពុងតែត្រៀមមើលបើសិនជាទឹកឡើងមកខ្លាំងដូចឆ្នាំមុន គឺយើងនឹងជួយពួកគាត់មកទីទួលលសុវត្ថិភាពជាបន្ទាន់៕
ប្រភព៖កម្ពុជាថ្មី