បរទេស៖ ថ្នាក់លើរបស់ Manchester United ទាំងម្ចាស់ក្លិបត្រកូល the Glazers និងលោក Ed Woodward សុទ្ធតែគាំទ្រឱ្យអ្នកចាត់ការបច្ចុប្បន្នលោក Ole Gunnar Solsakjer ដឹកនាំក្រុម បិសាចក្រហម ជាបន្តទៀត។ ប៉ុន្តែ ប៉ុន្មានប្រកួតចុងក្រោយនេះអ្នកចាត់ការខាងលើដឹកនាំមិនបានល្អទេ ខណៈអ្នកគាំទ្រកំពុងទាមទារការផ្លាស់ប្តូរ និងចង់ឱ្យលោក Zinedine Zidane មកដឹកនាំជំនួសវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅរដូវក្តៅនេះ Man UTD បានចុះកុងត្រាយកបានកីឡាករឆ្នើមៗដូចជា Jadon Sancho, Raphael Varane និង Cristiano Ronaldo ជាដើម។ ទោះបីយ៉ាងណាក៏ដោយ ក្រុមបិសាចក្រហមឥឡូវនេះដូចជាដុនដាបខ្លាំងណាស់, តួយ៉ាង ពួកគេបានបរាជ័យចំនួន ៤ ប្រកួតទៅហើយ នៅក្នុងការប្រកួត ៦ ប្រកួតចុងក្រោយ។
យ៉ាងណាមិញ អ្នកចាត់ការសញ្ជាតិ បារាំង ត្រូវបានគេមើលឃើញថា ជាបេក្ខភាពមួយរូបដែលអាចមកដឹកនាំនៅទឹកដី Old Trafford បាន, បន្ទាប់ពីលោកបានចាកចេញពីក្រុម Real Madrid កំលុងពេលថ្មីៗនេះ, ជាមួយគ្នានេះគេហទំព័រ Express ក៏បានធ្វើការវិភាគជម្រើស ១១ នាក់ដំបូងរបស់ Man UTD ដែរ ប្រសិនបើលោក Zidane អាចមកកាន់ទឹកដី អង់គ្លេសមែន។
នៅក្នុងការវិភាគនេះ គេបានសន្និដ្ឋានថាលោក Zidane និងប្រើប្រាស់ទម្រង់ ៤-៣-៣ ដូចនៅ Real Madrid ដែរ ដោយមានកីឡាករដូចជា៖
អ្នកចាំទី៖ David de Gea
ខ្សែការពារ៖ Wan-Bissaka, Varane, Maguire និង Shaw
ខ្សែបម្រើ៖ Fernandes, Fred និង Pogba
ខ្សែប្រយុទ្ធ៖ Greenwood, Martial និង Ronaldo៕
ប្រភព៖ Express