អ៊ឹម ជីវ៉ា ទម្លាយ​​មូលហេតុ​​​ធ្វើ​ឱ្យតារា​ក្មេង​ៗ ​មិន​មាន​ជីវភាព​ធូរធារ និងធ្លាក់ខ្លួន រហេមរហាមសុំគេសុំឯង

រាជធានីភ្នំពេញ៖ កាលពីពេលថ្មីៗនេះ នៅលើបណ្តាញសង្គម ជាខ្លាំងនូវរឿងរ៉ាវរបស់កំប្លែងស្រី អ្នកនាង ស្រេង​ សុកាន់ដា ហៅខ្ញុង រកស៊ីរហូតឡុងចុងអស់ដើម ព្រោះតែខ្ចីបំណុលគេមកធ្វើដើមទុនរកស៊ី រហូតដល់ផុងខ្លួនជាប់ក្នុងបំណុល ៥០ ម៉ឺុនដុល្លារអាមេរិក ក្នុងនោះ មានទាំងការិះគន់ និងការអាណិតពីមហាជនចំពោះរូបនាង អ្នកខ្លះរិះគន់ថា នាងពេលមានលុយដើរសប្បាយហ៊ឺហារ ពេលធ្លាក់ខ្លួនជាមកសុំគេទៅវិញ។

ដោយឡែក ប៉ុន្មានម៉ោងមុននេះ លោក អ៉ឹម ជីវ៉ា ដែលជាតារាមួយដែលតែងតែលេចមុខ ពេលណាតារាណាដង្ហោយហៅជំនួយ ទីនោះ ប្រាកដជាមានវត្តមាន លោក អ៉ឹម ជីវ៉ា។ ជាមួយគ្្នានេះ​ លោក អ៉ឹម ជីវ៉ា បានបញ្ចេញសារមួយដោយសរសេររៀបរាប់នៅលើបណ្តាញសង្គមហ្វេសប៊ុក ទូន្មានដល់តារាមួយចំនួន ដែលតែងហ៊ឺហារពេលមាន ពេលធ្លាក់ខ្លួន តែងដង្ហោយសុំជំនួយ។

ជាមួយគ្នានេះ លោក អ៉ឹម ជីវ៉ា បានឱ្យដឹងថា៖

លោកបន្តទៀតថា៖ ភាពខ្វះខាតរបស់តារាជើងចាស់ដោយសារពួកគាត់ថតមួយថ្ងៃរស់១ថ្ងៃ ហើយគាត់មិនមែនរកបានរាប់មុឺនរាប់ពាន់ដូចតារាខ្លះទេ ចឹងគ្រាន់តែចេះថតម្តងពេលខ្លះមិនគ្រប់សាំងឡានម៉ូតូផង តារាចាស់ គាត់មិនសូវមានលទ្ធភាពឡាយឬលក់ដូអីបានដូចតារាក្មេងៗទេ ហើយការថតក៏គេមិនសូវហៅដូចតារាក្មេងៗឥឡូវដែរ ។

ដោយឡែក លោក អ៉ឹម ជីវ៉ា បានទម្លាយនូវមូលហេតុថា តារាក្មេងៗឥឡូវខ្លះមិនមានជីវភាពធូធា និងកាន់តែធ្លាក់ ខ្លួន គឺបណ្តាលមកពី : សម្ភារៈនិយមហួសមាឌ មានន័យថានៅផ្ទះជួលតែទិញឡាន៤ ទៅ ១០មុឺន ដុលារ ដោយសំអាងថារកលុយបាន​។ ទូរស័ព្ទទំនើបៗ ខោអាវ ហូបចុកចូលកន្លែងប្រេនៗ ទាំងខ្លួននៅផ្ទះជួល។ មានលុយមិនហ៊ានបង់រំលោះផ្ទះឬទិញផ្ទះ សុខចិត្តយកលុយទិញរបស់ទំនើបៗ ហើយនៅផ្ទះជួល។ រកលុយបាន 100$ ចាយ 100$ ។ រកលុយបានមិនចេះសន្សំ។ រកលុយបានដើរហុឺហា ផឹកសុីមិត្តភក្តិដើលេងរហូត។ អ្នកខ្លះអាងតែខ្លួនល្បីមិនខំរក គិតតែដើខ្ចីលុយគេ។ តារា១ចំនួនខ្លះ ធ្លាក់ខ្លួន លេងគ្រឿងញៀន និង តារាមួយចំនួនខ្លះពេលមានលុយលេងល្បែងចូលការសុីណូ ។ល។ នេះជាមូលហេតុខ្លះៗ ។

ទន្ទឹមនោះ លោក អ៉ឹម ជីវ៉ា​ បន្ថែមថា​ តែក៏មានតារាក្មេងៗមួយចំនួនដែលពួកគាត់មានគំនិត ចេះច្នៃប្រឌិតខ្ពស់ ពេលរកបានចេះទុកដាក់ប្រកបមុខរបរឬចេះសន្សំមិនចាយលុយខ្ចះខ្ចាយ ហើយមានការងារធ្វើនិងចេះបង្កើតការងារខ្លួនឯងនេះក៏ជាចំនុចល្អរបស់តារាខ្លះដែលគាត់ចេះកែប្រែជីវភាពខ្លួនគាត់ពីក្រអោយក្លាយជាអ្នកមានជីវភាពធូធារ៕