រតនគិរី៖ មន្ទីរព័ត៌មានខេត្តរតនគិរី បានជូនដំណឹងថា ជំនន់ទឹកភ្លៀង បានវាយប្រហារខេត្តរតនគិរីបណ្ដាលឱ្យស្រុកដែលនៅតាមបណ្តោយទន្លេស្រែពក និងទន្លេសេសានចំនួន ០៥ស្រុក រងផលប៉ះពាល់រួមមានស្រុក លំផាត់ តាវែង អណ្តូងមាស កូនមុំ និងស្រុកអូរយ៉ាដាវ ហើយប្រជាពលរដ្ឋដែលរងផលប៉ះពាល់សរុបមានចំនួន ២,០១១គ្រួសារ ក្នុងនោះអាជ្ញាធរបានជម្លៀសប្រជាពលរដ្ឋប្រមាណ ៧៧គ្រួសារទៅកាន់ទីទួលសុវត្ថិភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសូមបញ្ជាក់ថា គិតត្រឹមថ្ងៃទី១៩ ខែតុលា ឆ្នាំ២០២១នេះ ទឹកទន្លេសេសានស្ថានីយកាចូនម៉ោង ១១:៣០នាទីព្រឹក ទឹកមានកំពស់៨.៣៧ម៉ែត្រ ទឹកស្រកចុះ០.៥០ម៉ែត្រ ខណៈចំណុចប្រកាសអាសន្ន៨.៥០ម៉ែត្រ។ ទឹកទន្លេស្រែពក ស្ថានីយលំផាត់វេលាម៉ោង ០១:០០នាទីថ្ងៃត្រង់ ទឹកមានកំពស់ ១៣.៨១ម៉ែត្រ ទឹកឡើង ០.០១ម៉ែត្រ ខណៈចំណុចប្រកាសអាសន្ន ១២.៥០ម៉ែត្រ៕