ស្ដាយណាស់ Barca យកបានមុន! Real Madrid ធ្លាប់មានឱកាសតាមទិញយកតារាឆ្នើមរបស់ Barca រូបនេះ

អេស្ប៉ាញ៖ ក្លិបអធិរាជស Real Madrid ធ្លាប់ចាប់អារម្មណ៍ចង់ទិញយកខ្សែប្រយុទ្ធ Ansu Fati កាលគេនៅជាកុមារភាព មុនពេល Fati បានចូលរួមជាមួយក្លិបអ្នកមានបុណ្យ Barcelona ។

ខ្សែប្រយុទ្ធម្ចាស់អាវលេខ១០ថ្មីនៅ Barcelona រូបនេះធ្លាប់លេងបែបមិត្តភាពឲ្យក្លិប Real Madrid កាលនៅក្មេង និងថែមទាំងបានពាក់អាវ Real Madrid ផងដែរ ប៉ុន្តែ Barcelona បានសម្លឹងឃើញសមត្ថភាពគេមុននិងបានចរចាជាមួយឱពុករបស់ Fati ក្នុងការនាំយកគេមកទឹកដី Camp Nou នាអាយុ១០ឆ្នាំស្របពេល Real Madrid ចាប់អារម្មណ៍គេដែរតែពុំដែលបានដាក់សំណើជាផ្លូវការនោះទេ។

មកទល់ពេលនេះ Real Madrid ប្រហែលមានការសោកស្ដាយហើយដែលមិនទិញយក Ansu Fati ឲ្យបានមុន Barcelona ព្រោះកីឡាករវ័យក្មេងរូបនេះរកបាន២គ្រាប់ហើយ បន្ទាប់ពីត្រឡប់មករួមក្រុមវិញក្រោយព្យាបាលរបួសជាសះស្បើយ៕

ប្រភព៖ football-espana