មិនធ្លាប់ជួបទេ! មើលពីលើចុងឈើដំបូង ស្មានតែសត្វពស់ តាមពិតជាពូជមេអំបៅដ៏កម្រ ដែលមានស្លាបយ៉ាងចម្លែក

បរទេស៖ ជារៀងរាល់ថ្ងៃនៅលើបណ្ដាញសង្គម តែងតែមានរូបភាពឬវីដេអូផ្សេងៗដែលល្បី ដែលនាំឲ្យអ្នកប្រើប្រាស់និយមតាមដាន។ ឥឡូវនេះ រូបភាពពស់ក្បាល៣ កំពុងតែទទួលបានការចាប់អារម្មណ៍ខ្លាំង។ បើគេពិនិត្យមើលវាឲ្យបានច្បាស់ ទើបគេដឹងថាការពិតពួកវាមិនមែនជាសត្វល្មូនអសិរពិស ដូចដែលបានគិតនោះទេ។ ជាក់ស្ដែង វាជាប្រភេទសត្វល្អិត គឺ moth ស្រដៀងនឹងមេអំបៅ។

បើតាមព័ត៌មានទទួលបាន សត្វប្រភេទនេះត្រូវបានហៅថា Attacus Atlas ឬ Atlas Moth។ រូបភាពទាំងនេះដែលកំពុងល្បីល្បាញ ត្រូវបានគេចែករំលែកនៅលើបណ្ដាញសង្គម Twitter ពីគណនីមួយឈ្មោះថា @thegallowboob ដោយគាត់បានសរសេរថា៖ «Atlas គឺជាសត្វមេអំបៅដ៏ធំជាងគេរបស់ពិភពលោក»។

វាអាចរស់នៅបានប្រមាណជាពីរសប្ដាហ៍ប៉ុណ្ណោះ ដែលនៅពេលដំណាក់កាលពេញវ័យ វាត្រូវពង និងការពារស៊ុតរហូតដល់ញាស់។ សត្វនេះអាចនឹងច្រឡំជាមួយនឹងសត្វពស់ ដោយសារតែស្លាបខាងចុងរបស់វា ស្រដៀងគ្នានឹងក្បាលរបស់សត្វពស់។ រូបភាពបែបនេះកម្រនឹងត្រូវបានគេប្រទះឃើញណាស់។ បើផ្អែកតាមការរាយការណ៍ផ្សេងទៀតបានឲ្យដឹងថា សត្វល្អិតប្រភេទនេះភាគច្រើនត្រូវបានគេប្រទះឃើញ មាននៅក្នុងទ្វីបអាស៊ី៕

ប្រភព: News Track