ប្រទះឃើញដាវបុរាណ អាយុកាលជាង៩០០ឆ្នាំមុន នៅអ៊ីស្រាអែល (មានវីដេអូ)

អ៊ីស្រាអែល៖ អ្នកស្រាវជ្រាវ បានអះអាថា ដាវបុរាណមួយមានប្រវែងប្រមាណ៩១សង់ទីម៉ែត្រ ដែលរកឃើញដោយអ្នកមុជទឹកនៅបាតសមុទ្រនៃឆ្នេរសមុទ្រ Mediterranean ហើយវាអាចត្រូវបានទម្លាក់ដោយអ្នកជិះសេះចំបាំងកាលពីជាង៩០០ឆ្នាំមុន។

តួយ៉ាង ថ្វីបើដាវមានការហុំព័ទ្ធទៅដោយស្លែរ និងសម្បកខ្យង់ ឬរបស់របរក្នុងសមុទ្រក៏ដោយ ក៏វាមានរូបរាង និងកន្លែងដៃកាន់ ដែលបានទាក់ទាញអ្នកមុជទឹកភ្នែកឥន្ត្រីអាចកត់សម្គាល់វាបានផងដែរ។ តំបន់ដែលគេរកឃើញ ទំនងជាកន្លែងដែលធ្វើជាជម្រកសម្រាប់អ្នកធ្វើដំណើរតាមសមុទ្រ ហើយមានចម្ងាយប្រហែល១៩,៨០០ម៉ែត្រពីច្រាំងសមុទ្រ និងជម្រៅប្រហែលជិត៤ម៉ែត្រ។

យ៉ាងណាមិញ ដាវនេះគេជឿជាក់ថាវាពិតជាមានអាយុកាលច្រើនឆ្នាំមែន ហើយនឹងត្រូវដាក់តាំងបង្ហាញ បន្ទាប់ពីវាត្រូវបានសម្អាត និងស្ដារឡើងវិញផងដែរ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖