កូរ៉េខាងត្បូង ៖ ថ្មីៗនេះមានរឿងកក្រើកមួយទៀត នៅក្នុងឧស្សាហកម្មកម្សាន្តកូរ៉េ ដែលអ្នកនិយមលេងអ៊ីនធើណែតអនាមិកម្នាក់ បាននិយាយថាតារាសម្តែងដ៏មានប្រជាប្រិយម្នាក់ឈ្មោះថា "តារាសម្តែង K" បានបង្ខំនាងឱ្យរំលូតកូន ហើយទាញយកផលប្រយោជន៍ពីនាង ក្រោមការក្លែងបន្លំអាពាហ៍ពិពាហ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភាពចម្រូងចម្រាសនេះ ត្រូវបានកើនឡើងខណៈដែលមានការប៉ាន់ស្មានថា តារាសម្តែងរូបនេះគឺ Kim Seon Ho នេះដោយសារតែអ្នកលេងអ៊ីនធើណែតអនាមិក បានបញ្ចូលព័ត៌មានលំអិតមួយចំនួន អំពីតារាសម្តែងរូបនេះ ដោយបានអះអាងថានាងកំពុងលាតត្រដាងពីភាពពិត និងភាពគ្មានអៀនខ្មាស់របស់តារាសម្តែង K រូបនេះ។
ក្រោយមក ជាមួយនឹងប្រព័ន្ធផ្សព្វផ្សាយកូរ៉េជាច្រើន ដែលបានផ្សព្វផ្សាយរឿងនេះ ត្រូវបានមនុស្សជាច្រើនមានការសាកសួរបន្ថែម និងបានប៉ាន់ស្មានថានេះពិតជា Kim Seon Ho មែនឬមិនមែន ក្នុងនោះក៏មានមនុស្សជាច្រើននៃក្រុមអ្នកគាំទ្ររបស់រលោក Kim Seon Ho បានរួមគ្នាដើម្បីគំរាមចាត់វិធានការផ្លូវច្បាប់ណាមួយ ប្រឆាំងនឹងការចោទប្រកាន់ ដែលមានគំនិតអាក្រក់លើតារាប្រុសរូបនេះ។
ទោះជាយ៉ាងណា ទាំងអស់នេះគឺគ្រាន់តែជាការប៉ាន់ស្មានរបស់អ្នកនិយមលេងអ៊ីនធើណែតប៉ុណ្ណោះ មិនទាន់មានភស្តុតាងណាមួយពិតប្រាកដបញ្ជាក់ថា "តារាសម្តែង K" គឺជាតារាលោក Kim Seon Ho នោះទេ គួររំលឹកដែរថា ទីភ្នាក់ងាររបស់តារាប្រុសរូបនេះ ក៏មិនទាន់ចេញសេចក្តីថ្លែងការណ៍ណាមួយទាក់ទងនឹងរឿងនេះនោះទេ៕
សូមទស្សនារូបភាពខាងក្រោម ៖
ប្រភព : Allkpop