បរទេស៖ កីឡាករ Lionel Messi គឺមិនគួរឈ្នះពាន Ballon d’Or នៅឆ្នាំនេះទេ ដោយសាររូបគេធ្លាប់ទទួលបានកាតក្រហម, នេះគឺជាការទស្សនៈយល់ឃើញរបស់លោក Frank Leboeuf ដែលជាអតីតខ្សែការពាររបស់ក្រុម Chelsea, ម្យ៉ាងទៀតលោកបានលើកហេតុផលមកបញ្ជាក់ ដោយយកស្ថានភាពបែបនេះទៅប្រៀបធៀបជាមួយលោក Zinedine Zidane កាលពីអតីតកាលទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ទោះបីរដូវកាលមុន Barcelona ហាក់រៀងធ្លាក់ទម្រង់លេងបន្តិចក្តី បន្តែ Messi នៅតែបង្ហាញទម្រង់លេងល្អគួរឱ្យកត់សម្គាល់ដដែល, ជារួម គាត់ស៊ុតបញ្ចូលទីបានចំនួន ៣៨ គ្រាប់ ក្នុងចំណោមការបង្ហាញខ្លួន ៤៧ ប្រកួត។ ទន្ទឹមនឹងនេះគាត់ក៏បានចូលរួមចំណែកជួយឱ្យក្រុម អ្នកមានបុណ្យ ឈ្នះពានរង្វាន់ Copa del Rey ផងដែរ។
មិនត្រឹមតែប៉ុណ្ណោះ, នៅរដូវក្តៅនេះ Messi បានធ្វើឱ្យសុបិន របស់ខ្លួនបានក្លាយជាការពិត ដោយគាត់បានជួយឱ្យក្រុមជម្រើសជាតិ អាហ្សង់ទីន ឈ្នះពានរង្វាន់ Copa America។ តាមរយៈសមិទ្ធិផលទាំងអស់នេះហើយ ទើបធ្វើឱ្យគ្រប់គ្នាគិតថា ខ្សែប្រយុទ្ធវ័យ ៣៤ ឆ្នាំនឹងអាចឈ្នះពាន Ballon d’Or លើកទី ៧ បាន។
ប៉ុន្តែយ៉ាងណាលោក Lebouef គឺមិនយល់ស្របទៅនឹងគំនិតមួយនេះទេ ហើយលោកគិតថា Messi គឺមិនសមនឹងឈ្នះទាល់តែសោះ ដោយសារតែខ្សែប្រយុទ្ធខាងលើធ្លាប់ទទួលបានកាតក្រហមកំលុងពេលប្រកួតវគ្គផ្តាច់ព្រ័ត្រពានរង្វាន់ Supercopa de Espana ទល់នឹងក្រុម Athletic Bilbao កាលពីខែ មករា កន្លងទៅ។
ថ្លែងប្រាប់គេហទំព័រ Telefoot, លោក Lebouef បានមានប្រសាសន៍យ៉ាងដូច្នេះថា៖
ប្រភព៖ Sportbible