ក្រសួងពាណិជ្ជកម្ម បង្ហាញតម្លៃលក់រាយប្រេងឥន្ធនៈថ្មី​ចាប់ពីថ្ងៃទី១៦ ដល់ថ្ងៃទី៣១ ខែតុលា

ភ្នំពេញ៖ នៅថ្ងៃទី១៨ ខែតុលានេះ ក្រសួងពាណិជ្ជកម្មនៃកម្ពុជា បានជូនដំណឹងថា ផ្អែកតាមតម្លៃមធ្យមប្រេងឥន្ធនៈលើទីផ្សារអន្តរជាតិ ថ្ងៃលក់ប្រេងឥន្ធនៈពីថ្ងៃទី ១៦ ដល់ ថ្ងៃ៣១ ខែតុលា ឆ្នាំ២០២១ នឹងត្រូវលក់ ៤.៤៦០រៀល/១លីត្រ សម្រាប់សាំងធម្មតា EA92 និង ៤.១៦០រៀល/១លីត្រ សម្រាប់ប្រេងម៉ាស៊ូត។

ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជា ចំនួន ៤សេនដុល្លារ/១លីត្រ។

ដូច្នេះតម្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី១៦ ដល់៣១ ខែតុលា ឆ្នាំ២០២១ នឹងចុះមក ៤.៣០០រៀល/១លីត្រ សម្រាប់សាំងធម្មតា EA92 និង៤.០០០រៀល/១លីត្រ សម្រាប់ប្រេងម៉ាស៊ូត៕