រាជធានីភ្នំពេញ÷ ដូចពាក្យចាស់លោកពោលថាវាសនាមនុស្សមើលមិនឃើញ យុវតីខ្មែរដ៏ស្រស់ស្អាត ធ្លាប់មានប្រវត្តិរស់នៅលើគំនរសំរាមស្ទឹងមានជ័យ កញ្ញា រ៉ុន សុភីបានកែប្រែវាសនាខ្លួនឯង និងគ្រួសារទាំងស្រុង ក្រោយមានភ័ព្វសំណាងនិងឱកាស ទៅបន្តការសិក្សានៅសាកលវិទ្យាល័យមែលប៊ន (Melbourne) ប្រទេសអូស្ត្រាលី កាលពីពេលកន្លងទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងបទសម្ភាសន៍មួយ យុវតី រ៉ុន សុភី អតីតសិស្សនៅអង្គការ(Cambodian Children’s Fund) បានថ្លែងយ៉ាងដូច្នេះថា÷
ដោយសារតែគ្រួសារសុភីជំពាក់បំណុលគេច្រើនពេក ហើយគ្មានលទ្ធភាពសង ពួកគេក៏ចាកចេញពីភូមិស្រុកទាំងគ្រួសារ នៅកណ្ដាលយប់តែម្ដង។ ជិះកង់កញ្ចាស់ផង ដើរផងក្នុងចម្ងាយរាប់គីឡូម៉ែត្រ ទីបំផុតគ្រួសាររបស់សុភីរសាត់មកដល់គំនរសំរាមស្ទឹងមានជ័យ ទាំងគ្មានជំរកពិតប្រាកដ។ បងប្អូនទាំង៧នាក់ រួមនឹងឪពុកម្ដាយចាស់ៗទៅហើយរស់ក្រោមដំបូលតង់ ហ៊ុំព័ទ្ធដោយគំនរសំរាមក្លិនស្អុយជូរផ្អូម។ កាលនោះ សុភីនិងបងស្រីនាង រួមទាំងឪពុកផ្លាស់គ្នាដើររើសសំរាម ហើយពេលខ្លះឃើញផ្លែឈើរលួយៗនៅលើឡានដែលដឹកពីផ្សារដើមគរ ម្នាក់ៗស្ទុះទៅរើសយកផ្លែឈើណាល្អៗ ទុកហូប។ ថ្ងៃខ្លះក៏គ្មានបាយហូប គេងយំម្នាក់ឯងក៏មាន ហើយពេលភ្លៀងម្ដងៗ គ្រប់គ្នារងាញ័រញាក់ ជួនកាលត្រូវគេដេញពីកន្លែងមួយទៅកន្លែងមួយ ដោយសារគ្រួសារនាងគ្មានទីជម្រកពិតប្រាកដឡើយ ជាហេតុធ្វើឲ្យគ្រួសារនាងមានបន្ទុកកាន់តែច្រើន។ ពេលខ្លះ សុភីរើសសំរាមបណ្ដើរប៊ិះត្រូវឡានចាក់សំរាមកិនក៏មាន។ បើនិយាយពីខោអាវវិញ រយ៉េរយ៉ៃក្លិនផ្អូមជាប់ខ្លួន ហើយមួយកំប្លេនាងពាក់ច្រើនថ្ងៃណាស់។
យ៉ាងណាមិញផ្អែកតាមបទពិសោធន៍ និងប្រវត្តិតស៊ូរបស់យុវតី រ៉ុន សុភី អាចជាសារអប់រំមួយដល់យុវជនជំនាន់ក្រោយ ជាពិសេសអ្នកដែលកើតក្នុងក្រុមគ្រួសារដែលមានជីវភាពខ្វះខាត និងលំបាកលំបិន ត្រូវតែខិតខំប្រឹងប្រែងរៀនសូត្រ ដើម្បីកែប្រែមុខមាត់ខ្លួនឯង និងអាចលើកស្ទួយជីវភាពជីវភាព ព្រមទាំងអាចក្លាយជាបញ្ញវ័ន្តមួយរូបនៅក្នុងសង្គម។
សូមរំលឹកផងដែរថាកន្លងមក យុវតី រ៉ុន សុភី ក៏ធ្លាប់ទៅប្រទេសអាមេរិក តាមរយៈកម្មវិធីផ្លាស់ប្ដូរការសិក្សារយៈពេលខ្លីផងដែរ ដែលនេះកើតចេញពីការខំប្រឹងប្រែងរបស់នាង ទោះជាក្មេងស្រីក្រីក្រក៏ដោយ។ ចំពោះថ្ងៃអនាគត យុវតី រ៉ុន សុភី ចង់ក្លាយជាអ្នកជំនួញម្នាក់ដ៏ជោគជ័យនៅក្នុងសង្គម៕
Bong I.T