អេស្ប៉ាញ៖ កាលពីយប់រំលងអាធ្រាត្រឈានចូលថ្ងៃ ចន្ទ ត្រូវនឹងថ្ងៃទី ១៨ ខែ តុលា ឆ្នាំ ២០២១ ក្រុម Barcelona បានបើកទ្វាកីឡដ្ឋាន Camp Nou របស់ខ្លួនទទួលស្វាគមន៍ក្រុមភ្ញៀវ Valencia នៅក្នុងការប្រកួតសប្តាហ៍ទី ០៩ នៃក្របខណ្ឌ La Liga របស់ប្រទេស អេស្ប៉ាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈការប្រកួតកាលពីយប់មិញ Barca ពិតជាបង្ហាញទម្រង់លេងបានល្អមែនទែន ដោយពួកគេអាចវាយបកយកឈ្នះទៅលើក្រុម Valencia ក្នុងលទ្ធផល ៣ ទល់នឹង ១។ ខណៈពេលនេះ ក្រុមអ្នកមានបុណ្យកំពុងឈរនៅលេខរៀងទី ០៧ មាន ១៥ ពិន្ទុ និងនៅសល់មួយប្រកួតក្នុងដៃទៀត, ចំណែកឯ ក្រុមប្រចៀវខ្មៅវិញកំពុងឈរនៅលេខរៀងទី ៩ ដោយមាន ១២ ពិន្ទុក្នុងដៃ។
ជាការពិតណាស់ Ansu Fati ក្រោយត្រឡប់មកជួយ Barca វិញ បន្ទាប់ពីជាពីរបួសរូបគេនៅតែបង្ហាញទម្រង់លេងល្អគួរឱ្យកត់សម្គាល់, តួយ៉ាងកាលពីយប់មិញនេះរូបគេក៏ស៊ុតបានមួយគ្រាប់ផងដែរ នៅនាទីទី ១៣ ដែលគ្រាប់បាល់មួយនេះលេងមួយ ពីរ ពិតជាស្រដៀងនឹងចង្វាក់លេងរបស់ Lionel Messi ដែលជាងអតីតវីរៈបុរសរបស់ក្លិបមែនទែន។
យ៉ាងណាមិញ គ្រាប់បាល់របស់ Barca គឺមិនទាន់អស់នោះទេ, ក្នុងនោះ Memphis ជាអ្នកស៊ុតគ្រាប់ទី ២ នៅនាទីទី ៤១ តាមរយៈការស៊ុតបាល់ពិន័យ ១១ ម៉ែត្រ, និងគ្រាប់ចុងក្រោយរកបានដោយ Phillippe Coutinho នៅនាទីទី ៨៥។ ចំណែកឯមួយគ្រាប់របស់ Valencia គឺរកបានដោយកីឡាករ Jose Gaya តាំងពីនាទីទី ៥ ឯណោះ៕
សូមទស្សនាវីដេអូខាងក្រោម៖