បញ្ចាក់ច្បាស់ហើយ! ក្លិប Man Utd គ្មានគម្រោងក្នុងការបណ្តេញលោក Solskjaer ចេញទេ

អង់គ្លេស៖ តំណែងរបស់លោក Ole Gunnar Solskjaer ជាអ្នកដឹកនាំក្រុម Manchester United នឹងនៅមានសុវត្ថិភាពដដែល បើទោះបីជាលោកដឹកនាំក្រុមមិនសូវបានល្អក៏ដោយ បើយោងទៅតាមរបាយការណ៍។

ជាការពិតណាស់ ចាប់តាំងពីពាក់កណ្តាលនៃខែកញ្ញាមក គឺក្រុម Man Utd តែងតែទទួលរងនូវការបរាជ័យជារៀងរហូតនៅក្នុងក្របខណ្ឌ Premier League ទោះយ៉ាងដូចជាយប់មិញជាដើមដែលពួកគេបរាជ័យក្រោមថ្វីជើងរបស់ Leicester City រហូតដល់លទ្ធផល ៤-២។

បើយោងទៅតាមសារកាសែត The Athletic បានចុះផ្សាយឲ្យដឹងថា ក្លិប​ Man Utd នៅតែគាំទ្រឲ្យលោក Solskjaer បន្តដឹកនាំក្រុម ហើយគ្មានគម្រោងចង់យកគ្រូណាផ្សេងមកជំនួសទេ។ លើសពីនេះទៅទៀតក្លិបក៏បានបញ្ជាក់ថា លោក Solskjaer មានគុណសម្បត្តិច្រើនសម្រាប់ក្រុម ចាប់តាំងពីថ្ងៃដែលលោកមកដឹកនាំមកម្ល៉េះ អ៊ីចឹងហើយទើបក្លិបគ្មានគម្រោងក្នុងការបណ្តេញលោកចេញទេ៕

ប្រភព៖ Sportsmole