បរទេស៖ សហរដ្ឋអាមេរិកនឹងបើកព្រំដែនគោក និងផ្លូវអាកាសរបស់ខ្លួនឡើងវិញ នៅថ្ងៃទី ៨ ខែវិច្ឆិកា សម្រាប់អ្នកទេសចរបរទេសមកពី ៣៣ប្រទេស ដែលបានចាក់វ៉ាក់សាំងបង្ការជំងឺកូវីដ១៩រួចរាល់ ដោយក្នុងនោះរួមមាន ចក្រភពអង់គ្លេស ប្រេស៊ីល ចិន ឥណ្ឌា អ៊ីរ៉ង់ អៀរឡង់ អាហ្វ្រិកខាងត្បូង ក៏ដូចជាបណ្តាប្រទេសក្នុងទ្វីបអ៊ឺរ៉ុបជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោមវិធានការថ្មី ដែលបានប្រកាសដោយសេតវិមាននេះ គឺតម្រូវឱ្យអ្នកដំណើរដែលចាក់វ៉ាក់សាំងរួចរាល់ ត្រូវបង្ហាញលទ្ធផលតេស្តអវិជ្ជមានក្នុងរយៈពេល ៧២ម៉ោង មុនពេលធ្វើដំណើរ។
សូមរម្លឹកថា ក្នុងកិច្ចខិតខំប្រឹងប្រែងដើម្បីកាត់បន្ថយការរីករាលដាលនៃជំងឺកូវីដ១៩ សហរដ្ឋអាមេរិកបានសម្រេចបិទខ្ទប់ព្រំដែនតាំងពីខែមីនា ឆ្នាំ២០២០ ចំពោះអ្នកដំណើរមកពីប្រទេសជាច្រើនទូទាំងពិភពលោក រួមទាំងសហភាពអឺរ៉ុប អង់គ្លេស ចិន ឥណ្ឌា និងប្រេស៊ីល ហើយអ្នកទេសចរមកពីម៉ិកស៊ិក និងកាណាដា ក៏ត្រូវបានហាមឃាត់ផងដែរ៕