អង់គ្លេស៖ អ្នកចាត់ការទូទៅក្លិប Manchester United លោក Ole Gunnar Solskjaer បានបង្ហើបឲ្យដឹងថា លោកអាចនឹងដាក់កីឡាករ Cristiano Ronaldo ឲ្យអង្គុយនៅកៅអីបម្រុងជាថ្មីម្តងទៀតក្នុងការប្រកួតរាត្រីនេះទល់នឹង Leicester City ដើម្បីធានាថា រូបគេ នឹងមានកម្លាំងគ្រប់គ្រាន់ក្នុងការជួយក្រុមនៅចុងរដូវកាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ចាប់តាំងពីបើករដូវកាលមក Ronaldo គឺ ជាម៉ាស៊ីនរកគ្រាប់បាល់របស់ Man Utd បន្ទាប់ពីរូបគេរកបានប្រាំគ្រាប់ហើយគិតគ្រប់ព្រឹត្តិការណ៍ ប៉ុន្តែ វាជារឿងដ៏ចម្លែកមែនទែនដែលរូបគេត្រូវបានលោក Solskjaer ដាក់ឲ្យអង្គុយនៅកៅអីបម្រុងក្នុងការប្រកួតទល់នឹង Everton កន្លងទៅ ខណៈ ក្រុមទទួលបានលទ្ធផលស្មើគ្នា១ទល់នឹង១ ប៉ុណ្ណោះ។
លោក Solskjaer បាននិយាយថា៖
Ronaldo គឺ ជាកីឡាករដ៏អស្ចារ្យ និង អ្នកបញ្ចប់ទីដ៏ល្អ។ វាពិតជាពិបាកណាស់ក្នុងការមិនដាក់ឲ្យគាត់លេង ប៉ុន្តែ តើអ្នកអាចលេងប្រាំមួយប្រកួតក្នុងរយៈពេលប្រាំមួយថ្ងៃបានទេ? វាជារឿងល្អ ប៉ុន្តែ យើងចាំបាច់ត្រូវមានការផ្លាស់ប្តូរ ពីព្រោះយើងត្រូវត្រៀមសម្រាប់ការប្រកួតខែមេសា និង ខែឧសភា ដែលតម្រូវគ្រប់គ្នាត្រៀមខ្លួនឲ្យបានល្អបំផុត។ ខ្ញុំដឹកនាំកីឡាករដើម្បីផលប្រយោជន៍ជូនក្លិប៕
ប្រភព៖ metro
Bong I.T