អាមេរិក៖ បុរសម្នាក់ឈ្មោះថា Raphael Holder អាយុ២៣ឆ្នាំ និងជាទាហានដែលមានមូលដ្ឋាននៅទីក្រុងញូវយ៉ក បានធ្វើឲ្យម្ដាយស្រក់ទឹកភ្នែក នៅពេលដែលឃើញលោកបង្ហាញខ្លួនចំពោះមុខ ក្រោយពីខានជួបគ្នាអស់រយៈពេលជាងបីឆ្នាំ ដោយសារជាប់បម្រើការងារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពនៃអត្ថបទដើមបានឲ្យដឹងថា បុរសជាកូនប្រុស បានធ្វើដំណើរជាង៣,០០០គីឡូម៉ែត្រ ដើម្បីទៅចូលរួមពិធីមង្គលការរបស់ម្ដាយ ហើយមុនថ្ងៃរៀបការមួយថ្ងៃ លោកបានធ្វើពុតជារវល់ ដែលធ្វើឲ្យម្ដាយសោកស្ដាយជាខ្លាំង។ តែលុះពេលថ្ងៃរៀបការ លោកបានបង្ហាញខ្លួន និងស្រែកថា “គឺខ្ញុំ” ចំពេលដែលអាជ្ញាធរក្នុងតំបន់សួរទៅកាន់ភ្ញៀវក្នុងពិធីថា “តើអ្នកណានៅទីនេះជាអ្នកដឹកដៃកូនក្រមុំក្នុងថ្ងៃមង្គលការ?”។ ហើយឮដូច្នេះ ភ្ញៀវទាំងអស់ ព្រមទាំងស្ត្រីជាម្ដាយមានការភ្ញាក់ផ្អើលជាខ្លាំង ដោយមិននឹកស្មានថាលោកអាចមកចូលរួមឡើយ។
យ៉ាងណាមិញ ជុំវិញទិដ្ឋភាពដ៏សប្បាយរីករាយខាងលើ ត្រូវបានគេថតឡើង និងយកទៅបង្ហោះចែកចាយពាសពេញបណ្ដាញអ៊ីនធឺណេត ដោយទទួលបានការចុចចូលទស្សនាជាច្រើនដងផងដែរ៕
ប្រភព: Daily Mail
សូមទស្សនារូបភាពនិងវីដេអូខាងក្រោម៖