ជួបជាមួយសិស្សស្រី ស្រស់ស្អាតគួរឲ្យស្រលាញ់បំផុត នៅក្នុងប្រទេសជប៉ុន

ការប្រកួតជ្រើសរើសសិស្សស្រី ដែលស្រស់ស្អាត និងគួរឲ្យស្រលាញ់បំផុត “Miss-Con or Miss Cutest High School Girl” នៅក្នុងប្រទេសជប៉ុន ត្រូវបានបញ្ចប់ជាស្តាពរ ដោយជ័យលាភី ត្រូវបានទៅលើសិស្សស្រីម្នាក់ មានឈ្មោះថា Hikauncho។

យោងតាមប្រភពព័ត៌មាន RocketNews24 របស់ប្រទេសជប៉ុន បានឲ្យដឹងថា សិស្សស្រី Hikauncho ដែលជាម្ចាស់ជ័យលាភី នៅក្នុងកម្មវិធី “Miss-Con or Miss Cutest High School Girl” នេះ រស់នៅក្នុងតំបន់ Kanto ស្ថិតលើកោះ Honshu ប្រទេសជប៉ុន។ នាងមានសម្រស់ និងស្នាមញញឹមដ៏ស្រស់ស្អាតពីធម្មជាតិ ជាមួយនឹងការទំលាក់សក់សេះ និងមានធ្មេញចំពើស ដែលជាការពេញនិយម របស់នារីៗ ក្នុងប្រទេសជប៉ុន។

គួរបញ្ជាក់ផងដែរថា លទ្ធផលនៃកម្មវិធីនេះ គឺបានពីការបោះឆ្នោតរបស់សាធារណៈជន នៅក្នុងប្រទេសជប៉ុន៕

នាង Hikauncho និងបេក្ខនារីដទៃទៀត

តើប្រិយមិត្តយល់យ៉ាងណាដែរ ចំពោះសិស្សស្រីទទួលជ័យលាភីរូបនេះ?

ដោយ ៖ ប៊ី

ខ្មែរឡូត