អូស្ត្រាលី៖ អ្នកជំនាញខាងផ្នែកអវកាសបានរកឃើញរលកវិទ្យុខុសពីធម្មតា ដែលចេញពីចំណុចកណ្ដាលកាឡាក់ស៊ីមីលគីវ៉េ។ សញ្ញាថាមពលនេះគឺមិនដូចបាតុភូតដទៃទៀតដែលបានសិក្សាពីមុន ហើយអាចបង្ហាញពីអង្គតារាដែលមិនធ្លាប់ស្គាល់ពីមុន នេះបើយោងតាមការសិក្សាថ្មីមួយ។

ពន្លឺរបស់អង្គនេះមានភាពខុសប្លែកពីគ្នាយ៉ាងខ្លាំង ហើយសញ្ញាបានលោតឡើងម្ដងមានម្ដងអត់ ដោយចៃដន្យ នេះបើតាមសម្ដីរបស់លោក Ziteng Wang អ្នកដឹកនាំការស្រាវជ្រាវថ្មី។ ដំបូងឡើយ ក្រុមការងារបានគិតថា​ វាអាចជា pulsar ដែលជាប្រភេទផ្កាយណឺត្រុងដែលងាប់យ៉ាងរហ័សដ៏ហាប់ណែន ឬជាប្រភេទផ្កាយដែលបញ្ចេញអណ្ដាតភ្លើងធំៗ។ ទោះជាយ៉ាងណា សញ្ញាពីប្រភពរលកវិទ្យុថ្មីនេះមិនត្រូវគ្នានឹងអ្វី ដែលតារាវិទូរំពឹងពីប្រភេទផ្កាយទាំងនេះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អង្គប្រែប្រួលនេះត្រូវបានគេដាក់ឈ្មោះ តាមកូអរដោនេះនៅលើផ្ទៃមេឃនៅពេលយប់ ដោយត្រូវបានគេហៅថា ASKAP J173608.2-321635។ ដំបូងឡើយ អង្គនេះត្រូវបានគេប្រទះឃើញក្នុងកំឡុងពេលធ្វើការអង្កេតនៅលើផ្ទៃមេឃ ដោយប្រើតេឡេទស្សន៍វិទ្យុ Australian Square Kilometre Array Pathfinder ដែលមានចានផ្កាយរណបចំនួន៣៦ ដែលធ្វើការរួមគ្នាធ្វើជាតេឡេទស្សន៍តែមួយ នៅមន្ទីរអង្កេតតារាសាស្ត្រ Murchison Radio-astronomy Observatory នៅភាគខាងលិចប្រទេសអូស្ត្រាលី។

ការអង្កេតជាបន្តបន្ទាប់ត្រូវបានធ្វើឡើង ជាមួយតេឡេទស្សន៍វិទ្យុ Parkes ក្នុងរដ្ឋ New South Wales និងតេឡទស្សន៍ MeerKAT របស់មន្ទីរអង្កេតតារាសាស្ត្រ South African Radio Astronomy Observatory៕

តេឡេទស្សន៍វិទ្យុ

ប្រភព: CNN

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]