រូបគំនូរតូច៦ផ្ទាំង ប៉ុនគូទម្ចុល ដាក់លក់ក្នុងតម្លៃជាង១២ម៉ឺនដុល្លារ

អង់គ្លេស៖ វិចិត្រករមួយរូបមានឈ្មោះថា David A Lindo អាយុ៥២ឆ្នាំ មកពីទីប្រជុំជន Bournemouth នៃប្រទេសអង់គ្លេស បានបង្កើតនូវស្នាដៃថ្មី ដោយគូររូបគំនូរតូចបំផុត ដែលមានទំហំប៉ុនគូទម្ចុលដេរសម្លៀកបំពាក់។

ផ្ទាំងគំនូរទាំងអស់មានចំនួន៦ផ្ទាំង ដែលផ្ទាំងនីមួយៗមានទទឹង០.០២អ៊ីញប៉ុណ្ណោះ និងត្រូវបានគូរឡើងយ៉ាងផ្ចិតផ្ចង់ ដោយមានរូបដូចជាផ្កាឈូករ័ត្នក្នុងថូ ផ្កាលីលី និងទេសភាពនាពេលរាត្រីជាដើម។ ហើយផ្ទាំងរូបនីមួយៗ គាត់បានចំណាយអស់រយៈពេលជាង១ខែឯណោះ ដែលយូរជាងផ្ទាំងគំនូរទំហំទូទៅផងដែរ។

យ៉ាងណាមិញ ផ្ទាំងគំនូរខាងលើនេះ នឹងលក់ទៅឲ្យអ្នកទិញដោយជាការសម្ងាត់ និងមួយផ្ទាំងលក់ក្នុងតម្លៃ១៥,០០០ផោន (ប្រមាណ២០,៤០០ដុល្លារអាមេរិក)៕

ប្រភព: Daily Mail

សូមទស្សនារូបភាពខាងក្រោម៖