រាជធានីភ្នំពេញ៖ គួរឱ្យសោកស្តាយជាពន់ពេក ដែលលោកគ្រូ ថៅ សុគន្ធា ព្រឹទ្ធបុរសរងមហាវិទ្យាល័យវិទ្យាសាស្ត្រ និងជាសាស្ត្រាចារ្យជីវវិទ្យានៃសាកលវិទ្យាល័យភូមិន្ទភ្នំពេញ បានទទួលមរណៈភាពកាលពីវេលាម៉ោង១០យប់ ថ្ងៃទី៨ ខែតុលា ឆ្នាំ២០២១។ នេះ បើតាមការបញ្ជាក់ពីម្ចាស់គណនីហ្វេសប៊ុកឈ្មោះ ស៊ុនហេង ខន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៍មាន បានឱ្យដឹងថា លោកគ្រូ ថៅ សុគន្ធា បានទទួលមរណភាពដោយសារតែជំងឺកូវីដ១៩។
ប្រភពដដែលបានបន្តថា ដំណឹងនេះចាត់ទុកជាការគោរព ជម្រាបជូន លោក គ្រូ អ្នកគ្រូសិស្សច្បង មិត្តរួមជំនាន់ និងសិស្សប្អូនទាំងអស់មេត្តាចូលរួមសទ្ធាតាមទឹកចិត្តរៀងរាងខ្លួន។
ជាមួយគ្នានោះ ក៏មានស្គាល់ មិត្តជិតឆ្ងាយជាមួយលោកគ្រូ ចូលរួមរំលែកទុក្ខ និងសម្តែងការសោកស្តាយចំពោះការបាត់ធនធានមួយដ៏ប្រពៃ សម្រាប់សាកលវិទ្យាល័យ ក៏ដូចជា ប្រទេសជាតិផងដែរ៕