សង្ស័យណាស់! ខាត់ វៃហាំង និងស៊ីន យូប៊ីន បង្ហោះរូបឡើងស្វីតៗដូចPre-Wedding

ភ្នំពេញ៖ ពិតណាស់ ក្រោយពេល ចាប់គូសម្តែងជាតួឯកជាមួយគ្នា បានច្រើនរឿងគួរសមហើយនោះ ហ្វេនៗរបស់ តារាសម្តែងស្រី ស៊ីន យូប៊ីន និងតារាសម្តែងប្រុស​ ខាត់ វ៉ៃហាំង ចាប់ផ្តើមចាប់គូ អ្នកទាំងពីរឲ្យក្លាយជា ដៃគូពិតប្រាកដ ដោយសារតែ ឃើញសម្តែងជាតួស្រីតួប្រុសសមនឹងគ្នាពេក។  

ដោយឡែក បើទោះបីជាអ្នកទាំងពីរ នៅមិនទាន់ដែលបានបង្ហាញ និងបញ្ជាក់អំពីទំនាក់ទំនងគេថាត្រូវជាអ្វីនឹងគ្នាឲ្យប្រាកដក៏ដោយ តែយើងនៅតែសង្កេតឃើញថា អ្នកទាំងពីរតែងតែមានសកម្មភាពផ្អែមល្ហែមនានា ជាមួយគ្នាជាញឹកញាប់ ដែលធ្វើឲ្យគ្រប់គ្នាមិនសង្ស័យមិនបាននោះឡើយ។

ជាពិសេស ថ្មីៗលោក វ៉ៃហាំង ទើបតែបានបង្ហោះរូបភាពមួយចំនួនលើគណនីបណ្ដាញសង្គមរបស់លោកផងដែរ។ ដោយក្នុងនោះ វ៉ៃហាំង និង ស៊ីន យូប៊ីន បានថតរូបគូក្នុងសម្លៀកបំពាក់កូនក្រមុំនិងកូនកម្លោះ ជាច្រើនសន្លឹក បង្ហាញពីសកម្មភាពកៀកកើយយ៉ាងស្និទ្ធស្នាលផ្អែមល្ហែមដាក់គ្នា មើលទៅពិតជាស្វីត អ្នកណាៗឃើញក៏ពេញចិត្តខ្លាំងតែម្ដង។ ក្នុងនោះ វ៉ៃហាំង ក៏មិនបានបញ្ជាក់អ្វីនោះដែរ ថាជាការថតស្ពតឬយ៉ាងណានោះ៕

សូមទស្សនារូបភាពខាងក្រោម៖