ប្រទេសកម្ពុជា៖ ជាមួយនឹងការប្តេជ្ញាចិត្តក្នុងការផ្គត់ផ្គង់ថាមពលដែលមានតម្លៃកាន់តែសមរម្យ កាន់តែស្អាត កាន់តែជឿទុកចិត្តបាន និងងាយស្រួលរកប្រើប្រាស់បានសម្រាប់មនុស្សកាន់តែច្រើន ក្រុមហ៊ុន TotalEnergies កំពុងតែពង្រឹងមហិច្ឆតារបស់ខ្លួនដើម្បីទទួលបានការទទួលស្គាល់ទូទាំងពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុន TotalEnergies បានដាក់បង្ហាញអត្តសញ្ញាណរូបរាងថ្មីរបស់ខ្លួននៅថ្ងៃទី ២៨ ខែឧសភា ឆ្នាំ២០២១, ដែលឆ្លុះបញ្ចាំងពីអត្តសញ្ញាណ និងការផ្លាស់ប្តូរយុទ្ធសាស្ត្ររបស់ខ្លួនទៅជាក្រុមហ៊ុនផ្គត់ផ្គង់ថាមពលចម្រុះដ៏ទូលំទូលាយមួយ។ នៅថ្ងៃទី ២៧ ខែកញ្ញា នៅក្នុង ព្រះរាជាណាចក្រកម្ពុជា ក្រុមហ៊ុន TotalEnergies បានឈានជើងមួយជំហានទៀតនៅលើដំណើរផ្លូវមួយនេះជាមួយនឹងពិធីបើកសម្ពោធស្ថានីយប្រេងឥន្ធនៈថ្មី២ដំបូងបង្អស់របស់ TotalEnergies នៅក្នុងខេត្តកំពង់ចាម និងរាជធានីភ្នំពេញ។
ពិធីសម្ពោធនេះបានធ្វើឡើងដោយមានវត្តមានរបស់លោកអគ្គនាយកនៃក្រុមហ៊ុន Total Cambodge គឺលោក Asif Iqbal ដែលស្ថានីយប្រេងឥន្ធនៈថ្មីរបស់ TotalEnergies ផ្តល់ជូនដល់អតិថិជននូវហាងទំនិញដែលមានទំនិញគ្រប់មុខ សេវាកម្មជាច្រើន និងឥន្ធនៈគ្រប់ប្រភេទដែលមានគុណភាពខ្ពស់។ សេវាកម្មទាំងនេះមានដូចជា Café Bonjour និង Quartz Auto Care ជាដើម។
បើតាមការលើកឡើងរបស់លោក Asif Iqbal បានមានប្រសាសន៍ថា៖
“យើងពិតជាមានមោទនភាពណាស់ក្នុងការបើកស្ថានីយប្រេងឥន្ធនៈទាំងពីរនេះជាមួយនឹងម៉ាកយីហោTotalEnergies ថ្មី ។ យើងខ្ញុំក៏ចង់ឱ្យអតិថិជនជាច្រើនទៀតទទួលបាននូវបទពិសោធន៍នៃសេវាកម្មទាំងឡាយរបស់ TotalEnergies និងស្វែងយល់បន្ថែមពីអត្ថន័យពិត នៃភាពល្អឥតខ្ចោះ និងគុណភាព។ ស្ថានីយជាង១០០ទីតាំងរបស់យើង ដែលកំពុងមានវត្តមាននៅទូទាំងប្រទេសកម្ពុជា នឹងត្រូវផ្លាស់ប្តូរទៅជា “ម៉ាកយីហោ TotalEnergies ថ្មីត្រឹមដំណាច់ឆ្នាំ ២០២២ ខាងមុខ ហើយក៏សូមអរគុណដល់ក្រុមការងារទាំងអស់ ដែលបានប្តេជ្ញាចិត្តចំពោះការផ្លាស់ប្តូរនេះ។”
Bong I.T