បរទេស៖ អ្នកច្បាស់ជាបន្ទោសថា កាលពីយប់មិញ ហេតុអ្វីបានជាអ៊ីនធឺណេតរបស់អ្នកដើរយឺតម្ល៉េះ តែការពិតអាចមិនមែនមកពីបញ្ហាមួយនេះទេ។ ជាក់ស្ដែង សេវាកម្មរបស់ហ្វេសប៊ុកបានគាំងមិនដំណើរការ ហើយវាមិនមែនកើតឡើងចំពោះអ្នកប្រើប្រាស់តែម្នាក់នោះទេ តែវាកើតឡើងនៅជុំវិញពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមទិន្នន័យពីគេហទំព័រ Downdetector បានឲ្យដឹងថា ការគាំងមិនដំណើរការនេះបានកើតឡើងនៅលើ ហ្វេសប៊ុក, Instagram, WhatsApp និងកម្មវិធី Messenger របស់ហ្វេសប៊ុកផងដែរ។ ការគាំងមិនដំណើរការនេះបានចាប់ផ្ដើមនៅម៉ោង ប្រហែល១០:៤០យប់ ថ្ងៃទី៤ ខែតុលា រហូតដល់ជិតម៉ោង៥ទៀបភ្លឺ ថ្ងៃទី៥ ខែតុលា ដែលមានរយៈពេលជាង៦ម៉ោង។
ភ្លាមៗគេមិនទាន់ដឹងថា តើវាកើតឡើងដោយសារមូលហេតុអ្វីនោះទេ ហើយហ្វេសប៊ុកក៏បានចេញមកសូមអភ័យទោស ចំពោះបញ្ហានេះ ហើយនឹងដោះស្រាយវាឲ្យបានឆាប់បំផុត។ បញ្ហានេះហាក់ដូចជាទាក់ទងនឹង DNS ដែលប៉ះពាល់លើ servers របស់ហ្វេសប៊ុក ហើយមកដល់ពេលនេះ អ្វីៗបានដំណើរការដូចដើមវិញហើយ៕
ប្រភព: 9to5Mac