ហ៊ិន ចាន់នីរ័ត្ន និង ជា វណ្ណារិទ្ធ តែងខ្លួនបែបវ័យជរា ទៅប្លែកម៉្យាង

ភ្នំពេញ៖ ដៃគូសិល្បៈដ៏សាកសមរវាងលោក ជា វណ្ណារិទ្ធ និងកញ្ញា ហ៊ិន ចាន់នីរ័ត្ន ចាប់តាំងពីពេលប្រកួតFreshieជាប់ចំណាត់ថ្នាក់លេខ១ កាលពី២០០៧មក អ្នកទាំងពីរតែងតែចាប់ដៃគូគ្នាធ្វើការបានយ៉ាងល្អគួរឲ្យសរសើរ។ ជាពិសេស បច្ចុប្បន្នតារាប្រុសស្រីទាំងពីរូបនេះ ក៏ជាពិធីករពិធីការិនីឆ្នើមប្រចាំស្ថានីយ៍ទូរទស្សន៍បាយ័នផងដែរ។

លើសពីនេះទៅទៀត លោក ជា វណ្ណារិទ្ធ និងកញ្ញា ហ៊ិន ចាន់នីរ័ត្ន ក៏ជាសិល្បករសិល្បៈការិនីដែលទទួលបានប្រជាប្រិយភាពខ្លាំង មានអ្នកគាំទ្រច្រើន។ បើនិយាយពីការងារសិល្បៈវិញ អ្នកទាំងពីរមានភាពមមាញឹកជាមួុយការងារច្រើន សឹងតែគ្មានពេលទំនេរតែម្ដង បើទោះបីតារាប្រុសស្រីមួយគូនេះ មិនសូវទទួលថតខ្សែភាពយន្តដូចជាតារាដទៃ។

ជាក់ស្ដែង ជឿជាក់ថាប្រិយមិត្តជាច្រើនធ្លាប់តែឃើញ លោក ជា វណ្ណារិទ្ធ និងកញ្ញា ហ៊ិន ចាន់នីរ័ត្ន តែងខ្លួនស្លៀកឈុតបុរាណ និងសម័យមើលទៅស្រស់ស្អាត និងសង្ហា។ តែបើងាកទៅមើលរូបភាពថ្មីប៉ុន្មានសន្លឹក ដែលតារាប្រុសស្រីពីរដួងនេះតែងខ្លួនស្លៀកពាក់បែបចាស់ជរា ឃើញថាប្លែកភ្នែក មើលសឹងតែមិនស្គាល់។ ពិតណាស់ បើទោះបីតុបតែងស្លៀកពាក់ជាមនុស្សចាស់ តែមើលទៅសម្រស់អ្នកទាំងពីនៅតែស្អាតមិនចាញ់ស្លៀកឈុតសម័យឡើយ៕

សូមទស្សនារូបភាពខាងក្រោម៖