TikTok ចូលរួមសកម្មភាពរាជរដ្ឋាភិបាលកម្ពុជា ផ្សព្វផ្សាយចំណេះដឹងស្ដីពីកូវីដ ១៩ ក្នុងយុទ្ធនាការចាក់វ៉ាក់សាំងជោគជ័យ

ភ្នំពេញ៖ TikTok ជាបណ្ដាញសង្គមផ្ដោតលើវីដេអូឃ្លីបខ្លីៗឈានមុខគេ ជាមួយបេសកកម្មជំរុញឱ្យមានការច្នៃបង្កើត និងបង្កភាពសប្បាយរីករាយ នឹងចូលរួមយុទ្ធនាការរបស់ក្រសួងសុខាភិបាល និងក្រសួងព័ត៌មានរបស់ព្រះរាជាណាចក្រកម្ពុជា ដើម្បីលើកទឹកចិត្ដពលរដ្ឋកម្ពុជាបន្ដការប្រុងប្រយ័ត្នខ្ពស់ចំពោះជំងឺកូវីដ១៩ តាមរយៈក្រុមអ្នកបង្កើត​ TikTok បើទោះបីជាការចាក់វ៉ាក់សាំងរបស់រាជរដ្ឋាភិបាលនៅទូទាំងប្រទេស មានអត្រាខ្ពស់យ៉ាងណាក៏ដោយ។

យុទ្ធនាការនេះ ក៏មានបំណងដោះស្រាយរាល់ការយល់ច្រឡំជុំវិញបញ្ហាវីរុសរាតត្បាតសកល។ ក្រុមអ្នកបង្កើតកម្មវិធីលើ TikTok ដែលកំពុងចូលរួមចំណែកក្នុងយុទ្ធនាការនេះ រួមមាន We-Pharm, វេជ្ជបណ្ឌិត មនោរ័ត្ន, វេជ្ជបណ្ឌិត អ៊ីត ម៉ូលីកា និង វេជ្ជបណ្ឌិត ស៊ីម ផល្លី។

TikTok ក៏ទទួលបាននូវអ្នកគាំទ្រចម្រុះកាន់តែច្រើននៅកម្ពុជា។ ទាំងនេះ គឺជាហេតុផលដែលក្រសួងទាំងពីរមានផែនការបង្កើតយុទ្ធនាការអប់រំ ដោយប្រើប្រាស់តំណរភ្ជាប់សញ្ញា #KhmerVacc។ យុទ្ធនាការនេះ ក៏មានបំណងក្រើនរំឭកដល់ពលរដ្ឋកម្ពុជា ឱ្យនៅតែមានការប្រុងប្រយ័ត្ន និងអនុវត្ដឱ្យបានខ្ជាប់ខ្ជួននូវវិធានការ ៣កុំ ៣ការពារ  ដែលដាក់ចេញដោយក្រសួងសុខាភិបាលកម្ពុជា។

យុទ្ធនាការទប់ស្កាត់ជំងឺឆ្លងសកលនេះ ក៏មានការបញ្ចូលបដាផ្សព្វផ្សាយ និងទំព័រវេបសាយក្នុងស្រុក ដែលនឹងផ្ដល់ព័ត៌មានពិតអំពីការវ៉ាក់សាំង និងសកម្មភាពក្រោយចាក់វ៉ាក់សាំង​ ដោយបង្ហាញផ្លូវអ្នកប្រើប្រាស់ចូលទៅរកប្រភពព័ត៌មានផ្លូវការផ្ទាល់ ដូចជា វេបសាយព័ត៌មានអ្នកចាក់វ៉ាក់សាំងកូវីដ ១៩ https://www.search.vaccine.gov.kh/ ព័ត៌មានស្ដីពីកាតវ៉ាក់សាំងរបស់ក្រសួងការពារជាតិ https://cv19.mod.gov.kh និងព័ត៌មានពីក្រសួងសុខាភិបាល www.moh.gov.kh។

អ្នកនាំពាក្យ TikTok លោក Kyu Kyu Thein ជាប្រធានគ្រប់គ្រងគោលនយោបាយសាធារណៈ បាននិយាយថា៖

អ្នកនាំពាក្យរូបនេះ បានបន្ដថា៖

យុទ្ធនាការរួមគ្នារវាង TikTok និងរាជរដ្ឋាភិបាលកម្ពុជា ត្រូវបានបង្កើតឡើងបំណងកាត់ផ្ដាច់ការផ្សព្វផ្សាយព័ត៌មានក្លែងក្លាយ ដោយលើកទឹកចិត្ដប្រជាជនកម្ពុជាស្វែងរក និងផ្ទៀងផ្ទាត់ពត៌មានពិត តាមរយៈការប្រើប្រាស់ប្រភពព័ត៌មានដ៏គួរឱ្យជឿទុកចិត្ដ ដូចជា វេបសាយរបស់អង្គការសុខភាពពិភពលោក (http://www.who.int/) និងវេបសាយនាយកដ្ឋានប្រយុទ្ធនឹងជំងឺឆ្លងរបស់រាជរដ្ឋាភិបាលកម្ពុជា (http://www.cdcmoh.gov.kh/) ក៏ដូចជាការរាយការណ៍នូវអ្វីដែលអ្នកប្រើប្រាស់យល់ថា វាអាចបំពាននឹងគោលការណ៍ណែនាំសហគមន៍របស់ TikTok។

ជាមួយយុទ្ធនាការចាក់វ៉ាក់សាំងប្រកបដោយភាពជោគជ័យរបស់កម្ពុជា អ្នកបង្កើតកម្មវិធីលើ TikTok ល្បីៗមួយចំនួនមកពីវិស័យវេជ្ជសាស្ដ្រ បន្ដទទូចក្រុមអ្នកគាំទ្ររបស់ខ្លួនឱ្យរក្សាការប្រុងប្រយ័ត្នខ្ពស់ បើទោះបីជាពលរដ្ឋភាគច្រើនបានទទួលការចាក់វ៉ាក់សាំងកូវីដ ១៩ រួចរាល់យ៉ាងណាក៏ដោយ។

ក្រុមអ្នកបង្កើតកម្មវិធីលើ TikTok  ក្រុមអ្នកជំនាញវេជ្ជសាស្រ្តអប់រំសុខភាព We-Pharm បានផលិតវីដេអូមួយអបអរសាទររាជរដ្ឋាភិបាល លើវីដេអូយុទ្ធនាការដ៏ជោគជ័យនេះ។

We-Pharm បានសរសេរសារថា៖

អ្នកបង្កើតកម្មវិធីលើ TikTok ដ៏មានប្រជាប្រិយម្នាក់ទៀត វេជ្ជបណ្ឌិត អ៊ីត ម៉ូលីកា មកពីផ្នែកវេជ្ជសាស្ដ្រ បានឱ្យដឹងថា៖

វេជ្ជបណ្ឌិត មនោរ័ត្ន និង វេជ្ជបណ្ឌិត ស៊ីម ផល្លី បានចែករំលែកសារស្រដៀងគ្នាទៅកាន់អ្នកគាំទ្ររបស់ពួកគាត់ផងដែរ។

សម្រាប់ព័ត៌មានលម្អិតអំពីយុទ្ធនាការ សូមចុចត្រង់នេះ។

អំពី TikTok

TikTok ជាវេទិការឈានមុខសម្រាប់វីដេអូទូរស័ព្ទខ្លីៗ។ បេសកកម្មរបស់TikTok គឺលើកទឹកចិត្ដក្នុងការច្នៃបង្កើត និងពាំនាំភាពរីករាយ។ TikTok មានការិយាល័យរបស់ខ្លួននៅជុំវិញពិភពលោក រួមទាំង ក្រុងឡូសអេនជឺលេស តំបន់ស៊ីលីខូន វ៉ាឡេ ក្រុងញូវយ៉ក ក្រុងឡុងដ៍ ក្រុងប៉ារីស ក្រុងប៊ែរឡាំង ក្រុងឌូបៃ ក្រុងសិង្ហបុរី ក្រុងហ្សាការតា ក្រុងសេអ៊ូល និងក្រុងតូក្យូជាដើម។ សុំចូរទៅកាន់វេបសាយ www.tiktok.com៕