បុរសម្នាក់បាត់ខ្លួនដោយសារឧប្បត្តិហេតុនៅលើទូក បណ្តាលឲ្យ​ធ្លាក់ចុះក្នុងទឹក បាត់ដំណឹងសូន្យឈឹង

បន្ទាយមានជ័យ៖ នាពេលថ្មីៗនេះ មានបុរសម្នាក់បាត់ខ្លួនដោយសារទូករបស់ខ្លួនបានបើកទៅបុកនឹងច្រាំង បណ្តាលឲ្យ​ធ្លាក់ពីលើទូក ហូររសាត់តាមទឹកបាត់ខ្លួនតែម្តង។

ដោយឡែក នៅថ្ងៃទី២ ខែតុណ ឆ្នាំ២០២១ លោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ ចាត់តាំងកងកម្លាំងអន្តរាគមន៍ របស់កងពលតូចថ្មើរជើងលេខ៥១ ដឹកនាំដោយវរសេនីយ៍ត្រី ដែង សុភីវ ចុះជួយអន្តរាគមន៍ស្វែងរកបុរសម្នាក់ ដែលបានបាត់ខ្លួន កាលពីម៉ោង ៥ព្រឹក ថ្ងៃទី២ ខែតុណ ឆ្នាំ២០២១ ។

ចំពោះបុរសដែលបាត់ខ្លួនមានឈ្មោះ សុន សាវុធ ភេទប្រុស អាយុ ៤២ឆ្នាំ រស់នៅភូមកូនដំរី សង្កាត់និមិត ក្រុងប៉ោយប៉ែត ខេត្តបន្ទាយមានជ័យ បានទៅនេសាទត្រី នៅក្នុងតំបន់បឹងអូខៃដន ពីនាក់កូនប្រុស អាយុ ១៣ឆ្នាំ ។

សូមបញ្ជាក់ថាករណីនេះបានកើតឡើងដោយសារទូកជនរងគ្រោះបានបើកទៅបុកនឹងច្រាំង បណ្តាលអោយបុរសម្នាក់ធ្លាក់ពីលើទូក ហូររសាត់តាមទឹកបាត់ខ្លួនតែម្តង។

យ៉ាងណាមិញ បន្ទាប់ពីកើតហេតុកូនប្រុសរបស់ជនរងគ្រោះបានជួសង្រ្គោះដោយសុវត្ថិភាព។ ដោយឡែកកម្លាំងអន្តរាគមន៍របស់កងពល បានបន្តស្វែងរក ជនរងគ្រោះដែលបាត់ខ្លួនដោយសហការជាមួយអាជ្ញាធរ និងប្រជាពលរដ្ឋរួមជាមួយនិងទូកកាណូតចំនួន ៥គ្រឿង ផងដែរ៕

សូមចូលទស្សនារូបភាពខាងក្រោម៖