រូប៖ ស្រ្តីជនជាតិឥណ្ឌូនេស៊ីមួយក្រុម បានមករាំនៅកណ្តាលផ្សារយ៉ាងសប្បាយ

កាលពីពេលថ្មីៗកន្លងទៅនេះ គេបានប្រទះឃើញ ស្រ្តីជនជាតិឥណ្ឌូនេស៊ីមួយក្រុម មានគ្នា ៥ ទៅ ៦នាក់ បានមករាំនៅក្នុងផ្សារមួយកន្លែង តាមបណ្តោយផ្លូវ Geylang Road ស្ថិតក្នុងប្រទេសសឹង្ហបុរី យ៉ាងសប្បាយ និងបានសើចយ៉ាងក្អាកក្អាយថែមទៀតផង។

យោងតាមប្រភពព័ត៌មាន ស្ទ៉ម របស់ប្រទេសសឹង្ហបុរី បានឲ្យដឹងថា ស្រ្តីជនជាតិឥណ្ឌូនេស៊ីមួយក្រុមនោះ បានរាំលេងយ៉ាងសប្បាយ នៅកណ្តាលផ្សារមួយកន្លែង មានឈ្មោះថា City Plaza នៅវេលាម៉ោងប្រហែល ១២យប់ ថ្ងៃទី០៨ ខែសីហា ឆ្នាំ២០១៣ ដោយសារតែថ្ងៃទី០៨-០៩ ខែសីហា គឺជាថ្ងៃបុណ្យ “Hari Raya” របស់ប្រទេសឥណ្ឌូនេស៊ី។

បើតាមសម្តីរបស់អ្នកដំណើរ ដែលស្ថិតនៅទីនោះ បានប្រាប់ឲ្យដឹងថា ស្រ្តីជនជាតិឥណ្ឌូនេស៊ីទាំងនោះ បានរាំលេងយ៉ាងសប្បាយ នៅមុខមនុស្សជាច្រើន ហើយមានបុរសមួយចំនួន បានថតរូបស្រ្តីទាំងនោះទៀតផង។

យ៉ាងណាមិញ ពួកនាងបានបន្តរាំលេង យ៉ាងសប្បាយបែបនេះ អស់រយៈពេលយ៉ាងយូរ ដើម្បីអបអរថ្ងៃបុណ្យ “Hari Raya” របស់ប្រទេសពួកនាង៕

ដោយ ៖ ប៊ី

ខ្មែរឡូត