បរទេស៖ ក្រុមអ្នកស្រាវជ្រាវនៅ Zimperium zLabs បានឲ្យដឹងថា មេរោគថ្មីរបស់ Android មានឈ្មោះថា GriftHorse ត្រូវបានដាក់បង្កប់នៅក្នុងកម្មវិធីមិនតិចជាង២០០នោះទេ ដែលត្រូវបានអនុញ្ញាតឲ្យមាននៅលើ Google Play និងហាងកម្មវិធីខាងក្រៅផ្សេងៗទៀត។ រហូតមកដល់ពេលបច្ចុប្បន្ននេះ មេរោគនេះបានឆ្លងដល់ឧបករណ៍ Android ជាង១០លានគ្រឿង មកពីជាង៧០ប្រទេសហើយ និងបានលួចលុយរាប់សិបលានដុល្លារពីជនរងគ្រោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមអ្នកស្រាវជ្រាវបានពន្យល់នៅក្នុងរបាយការណ៍របស់ពួកគេថា យុទ្ធនាការមេរោគ GriftHorse បានដំណើរការយ៉ាងហោចណាស់ចាប់តាំងពីខែវិច្ឆិកា ឆ្នាំ២០២០ និងរហូតដល់ខែមេសា ឆ្នាំ២០២១។ នៅពេលដែលអ្នកប្រើប្រាស់បានដំឡើងកម្មវិធីដែលមានមេរោគ GriftHorse វានឹងបង្កើតសារជូនដំណឹង Notifications លោតឡើងការផ្ដល់ជូននូវការបញ្ចុះតម្លៃ ឬរង្វាន់ផ្សេងៗ។ អ្នកដែលបានចុចលើវា នឹងត្រូវបានចូលទៅដោយផ្ទាល់ ដល់គេហទំព័រមួយដែលពួកវានឹងសួររកលេខទូរសព្ទ ដើម្បីចូលទៅដល់ promotion។
ជាការពិត ជនរងគ្រោះនៃមេរោគ GriftHorse បានកំពុង subscribe ទៅកាន់សេវាកម្ម premium SMS ដែលគិតថ្លៃលើសពី៣៥ដុល្លារក្នុងមួយខែ។ គេបានប៉ាន់ស្មានថា ប្រតិបត្តិករ GriftHorse បានរកប្រាក់ពី១.៥លានដុល្លារដល់៤លានដុល្លារក្នុងមួយខែ ដោយប្រើគ្រោងការណ៍នេះ ហើយជនរងគ្រោះដំបូងរបស់ពួកគេទំនងជាបាត់បង់អស់ប្រាក់២៣០ដុល្លារ ប្រសិនបើពួកគាត់មិនបានបញ្ឈប់ការប្រើប្រាស់នូវការបោកប្រាស់ទាំងនេះ។
បើទោះបីជាគេមិនទាន់បានរកឃើញវត្តមានមេរោគនេះ នៅក្នុងប្រទេសកម្ពុជា អ្នកប្រើប្រាស់ទាំងឡាយគួរប្រុងប្រយ័ត្ន ប្រសិនបើជួបលក្ខណៈដូចដែលបានរៀបរាប់ខាងលើ សូមកុំចុចលើវា ឬបញ្ឈប់ការប្រើប្រាស់កម្មវិធីទាំងនោះជាបន្ទាន់ និងលុបវាចេញ។ បើទោះជាកម្មវិធីទាំងនេះត្រូវបានគេលុបចេញពី Play Store ក៏ពួកវាអាចនឹងមានវត្តមាននៅលើហាងកម្មវិធីខាងក្រៅផ្សេងៗទៀត៕
ប្រភព: TechSpot