រន្ធត់ចិត្ត ដេីមខែតុលាភ្លាម សែម សង្វាត ទទួលមរណភាពហើយ

តារាកម្សាន្ត÷ ជាដំណឹងដ៏សែនរន្ធត់ និងតក់ស្លុតជាក្រៃលែង ក្រោយពេលដែល លោកសែម សង្វាត អតីតតារាចម្រៀងមួយរូបដ៏មានទឹកដមសំនៀងពិរោះនិងជាម្ចាស់បទ ជិវីតកម្មករឆ្លងដែន បានទទួលមរណភាពហើយនៅយប់ថ្ងៃទី ៣០រំលងចូលថ្ងៃទី១ ខែតុលា ឆ្នាំ២០២១នេះ នាវេលាម៉ោង១២:១០នាទី ដោយសារជំងឺប្រចាំកាយ នេះបើយោងតាមការបញ្ជាក់ពីសំណាក់កូនប្រុសរបស់លោក។

សូមរំលឹកផងដែលថា កាលពីពេលកន្លងទៅក្នុងបទសម្ភាសន៍ជាមួយនឹងនាទីសិល្បករកម្ពុជា លោកសែម សង្វាត ក៏ធ្លាប់បានប្រាប់ដល់មហាជនថា លោកមានជំងឺក្រពះ ពោះវៀនរុាំងរ៉ៃ ដោយសារតែក្រពះរបស់លោកវាដាច់សរសៃឈាម ព្រមទាំងមានជំងឺទាក់ទងនឹងថ្លើមក្រិនដល់កម្រិត ហើយក៏មានគ្រោះក្នុងប្រមាត់ ដែលធ្វើឲ្យលោកឧស្សាហ៍ពុលចំណី។

ជាចុងបញ្ចប់ សូមបួងសួងឲ្យវិញ្ញាណក្ខន្ធរបស់តារាចម្រៀងរូបនេះ ទៅកាន់សុគិតិភពកុំបីឃ្លៀងឃ្លាតឡើយ៕