សារមន្ទីរឲ្យវិចិត្រកររូបនេះ កែសម្រួលស្នាដៃសិល្បៈ លុះសមិទ្ធផលចេញមក បែរជាបែបនេះ

ដាណឺម៉ាក៖ សារមន្ទីរ Kunsten Museum of Modern Art ស្ថិតក្នុងទីក្រុង Aalborg ប្រទេសដាណឺម៉ាក បាន ផ្ដល់ប្រាក់ចំនួន៨៤,០០០ដុល្លារអាមេរិក ទៅកាន់វិចិត្រករម្នាក់ឈ្មោះ Jens ដើម្បីកែសម្រួលស្នាដៃសិល្បៈចំនួនពីរឡើងវិញទាក់ទងពីការប្រើប្រាស់ក្រដាសប្រាក់ ដែលជាស្នាដៃមានប្រជាប្រិយភាពបំផុតរបស់គាត់។ តែតួយ៉ាង វិចិត្រកររូបនេះ បានយកប្រាក់ទាំងអស់ និងផ្ញើការងាររបស់ខ្លួនទៅកាន់សារមន្ទីរ ដោយស៊ុមផ្ទាំងក្រណាត់ទទេស្អាតចំនួនពីរ។

តាមប្រភពព័ត៌មានបានឲ្យដឹងថា កិច្ចព្រមព្រៀងជាលាយលក្ខណ៍អក្សររវាងភាគីទាំងពីរ គឺវិចិត្ររូបនេះ ត្រូវបានគេរំពឹងថានឹងប្រើប្រាស់ក្រដាសប្រាក់ខាងលើ ដើម្បីកែសម្រួលឡើងវិញនូវសិល្បៈក្រដាសប្រាក់ចំនួនពីរ ដែលគាត់បានបង្កើតឡើងក្នុងឆ្នាំ២០០៧ និងឆ្នាំ២០១០។ ហើយស្នាដៃសិល្បៈដើម បានបង្ហាញពីប្រាក់ចំណូលប្រចាំឆ្នាំជាមធ្យមរបស់ Austrians និង​ Danes ដោយប្រើវិក័យប័ត្រប្រាក់ ​ ដែលពេលនេះក្នុងស៊ុមផ្ទាំងក្រណាត់គ្មានឃើញក្រដាសប្រាក់ទេ។

ទន្ទឹមនឹងនេះដែរ វិចិត្រកររូបនេះបាននិយាយថា៖

យ៉ាងណាមិញ វិចិត្រកររូបនេះ មិនមានគម្រោងនឹងប្រគល់ប្រាក់មកឲ្យខាងសារមន្ទីរវិញទេ ដែលគាត់មានពេលរហូតដល់ថ្ងៃទី១៦ ខែមករា ឆ្នាំ២០២២ខាងមុខនេះប៉ុណ្ណោះដើម្បីប្រគល់ប្រាក់ ហើយបើមិនដូច្នោះទេ គាត់នឹងត្រូវចាប់ខ្លួនផងដែរ៕

ប្រភព: Unilad / hyperallergic

សូមទស្សនារូបភាពខាងក្រោម៖